မြောက်ကိုရီးယားနိုင်ငံ တည်ထောင်ခြင်း(၇၅)နှစ်ပြည့်အခမ်းအနားကို သမီးဖြစ်သူနှင့်အတူ မြောက်ကိုရီးယား ခေါင်းဆောင်ကင်ဂျုံအန်း တက်ရောက်

10/09/2023 20:01

 1256

Pika (NP News) - စက်တင်ဘာ ၁ဝ

မြောက်ကိုရီးယားခေါင်းဆောင်ကင်ဂျုံအန်းသည် စက်တင်ဘာလ(၉)ရက်တွင် မြောက်ကိုရီးယားနိုင်ငံ တည်ထောင် ခြင်း (၇၅)နှစ်ပြည့်အထိမ်းအမှတ် စစ်ရေးပြပွဲအခမ်းအနားကို ၎င်း၏ သမီးဖြစ်သူနှင့်အတူ တက်ရောက်ကြည့်ရှုခဲ့ ကြောင်း နိုင်ငံပိုင်မီဒီယာ KCNA က ဖော်ပြခဲ့သည်။

ပြုံးယမ်းမြို့ ကင်အီဆန်ရင်ပြင်တွင် ကျင်းပသော စစ်ရေးပြပွဲအခမ်းအနားတွင် အရန်တပ်ဖွဲ့ဝင်များ နှင့် စက်မှု လုပ်သားများ ချီတက်ခဲ့ကြကြောင်း KCNA က ဖော်ပြခဲ့သည်။ ကင်ဂျုံအန်းသည် ၎င်း၏ သမီးဖြစ်သူကင်ဂျူအေး နှင့် စစ်ရေးပြပွဲအခမ်းအနားကို တက်ရောက်ကြည့်ရှုခဲ့ပြီး တရုတ်သမ္မတရှီကျင့်ဖျင် နှင့် ရုရှားသမ္မတပူတင် တို့သည် သဝဏ်လွှာများကို ပေးပို့ခဲ့ကြောင်း KCNA ၏ ဖော်ပြချက်အရ သိရသည်။

လွတ်လပ်ရေးနေ့အခမ်းအနားကို တရုတ်ဒုဝန်ကြီးချုပ် Liu Guozhong ဦးဆောင်သော ကိုယ်စားလှယ်အဖွဲ့နှင့် Russian Army Academic Ensemble Alexandrov မှ အဖွဲ့ဝင်များ တက်ရောက်ခဲ့ကြကြောင်လည်း သိရသည်။

ထို့အပြင် မြောက်ကိုရီးယားအစိုးရသည် နိုင်ငံအတွင်းတွင်ရှိသော သံတမန်များကိုလည်း စစ်ရေးပြပွဲအခမ်းအနားကို တက်ရောက်ရန်အတွက် ဖိတ်ကြားခဲ့ကြောင်း သိရသည်။ ရုရှားသမ္မတပူတင်က ပေးပို့ခဲ့သော စာထဲတွင် "ရုရှားနဲ့ မြောက်ကိုရီးယားနှစ်နိုင်ငံလုံးဟာ ချစ်ကြည်ရင်းနှီးမှု၊ အပြန်အလှန်လေးစားမှုတွေ နဲ့ ကောင်းမွန်တဲ့ အိမ်နီးချင်း နိုင်ငံတွေအဖြစ် ဆက်ဆံရေးကို ပိုမိုတိုးမြှင့်လာနိုင်ခဲ့ပါတယ်။ ဒါဟာ နှစ်နိုင်ငံလုံးမှာရှိတဲ့ ပြည်သူတွေရဲ့အကျိုး စီးပွားတွေ၊ လုံခြုံရေးတွေနဲ့ ကိုရီးယားကျွန်းဆွယ်နဲ့ အရှေ့မြောက်အာရှမှာ တည်ငြိမ်မှုတွေကို ပေးစွမ်းနိုင်မယ်လို့ ယုံကြည်ပါတယ်" ဟု ရေးသားထားသည်။

တရုတ်သမ္မတရှီကျင့်ဖျင်က ပေးပို့ခဲ့သော စာထဲတွင် "တရုတ်နိုင်ငံဟာ နှစ်နိုင်ငံကြား မဟာဗျူဟာမြောက် ဆက်သွယ်ရေးပိုင်းတွေမှာ ပိုမိုအားကောင်းလာအောင် လုပ်ဆောင်ဖို့၊ နှစ်နိုင်ငံကြား ပူးပေါင်းဆောင်ရွက်မှုတွေကို ပိုမိုမြှင့်တင်ဖို့ နဲ့ တရုတ် နဲ့ မြောက်ကိုရီးယားနိုင်ငံကြားဆက်ဆံရေးတွေကို ပိုမိုမြှင့်တင်နိုင်ဖို့အတွက် အဆင်သင့် ရှိနေပါတယ်" ဟု ရေးသားထားသည်။

Zawgyi Version;
ေျမာက္ကိုရီးယားႏိုင္ငံ တည္ေထာင္ျခင္း(၇၅)ႏွစ္ျပည့္အခမ္းအနားကို သမီးျဖစ္သူႏွင့္အတူ ေျမာက္ကိုရီးယား ေခါင္းေဆာင္ကင္ဂ်ဳံအန္း တက္ေရာက္
Pika (NP News) - စက္တင္ဘာ ၁ဝ

ေျမာက္ကိုရီးယားေခါင္းေဆာင္ကင္ဂ်ဳံအန္းသည္ စက္တင္ဘာလ(၉)ရက္တြင္ ေျမာက္ကိုရီးယားႏိုင္ငံ တည္ေထာင္ ျခင္း (၇၅)ႏွစ္ျပည့္အထိမ္းအမွတ္ စစ္ေရးျပပြဲအခမ္းအနားကို ၎၏ သမီးျဖစ္သူႏွင့္အတူ တက္ေရာက္ၾကည့္ရႈခဲ့ ေၾကာင္း ႏိုင္ငံပိုင္မီဒီယာ KCNA က ေဖာ္ျပခဲ့သည္။

ၿပဳံးယမ္းၿမိဳ႕ ကင္အီဆန္ရင္ျပင္တြင္ က်င္းပေသာ စစ္ေရးျပပြဲအခမ္းအနားတြင္ အရန္တပ္ဖြဲ႕ဝင္မ်ား ႏွင့္ စက္မႈ လုပ္သားမ်ား ခ်ီတက္ခဲ့ၾကေၾကာင္း KCNA က ေဖာ္ျပခဲ့သည္။ ကင္ဂ်ဳံအန္းသည္ ၎၏ သမီးျဖစ္သူကင္ဂ်ဴေအး ႏွင့္ စစ္ေရးျပပြဲအခမ္းအနားကို တက္ေရာက္ၾကည့္ရႈခဲ့ၿပီး တ႐ုတ္သမၼတရွီက်င့္ဖ်င္ ႏွင့္ ႐ုရွားသမၼတပူတင္ တို႔သည္ သဝဏ္လႊာမ်ားကို ေပးပို႔ခဲ့ေၾကာင္း KCNA ၏ ေဖာ္ျပခ်က္အရ သိရသည္။

လြတ္လပ္ေရးေန႔အခမ္းအနားကို တ႐ုတ္ဒုဝန္ႀကီးခ်ဳပ္ Liu Guozhong ဦးေဆာင္ေသာ ကိုယ္စားလွယ္အဖြဲ႕ႏွင့္ Russian Army Academic Ensemble Alexandrov မွ အဖြဲ႕ဝင္မ်ား တက္ေရာက္ခဲ့ၾကေၾကာင္လည္း သိရသည္။

ထို႔အျပင္ ေျမာက္ကိုရီးယားအစိုးရသည္ ႏိုင္ငံအတြင္းတြင္ရွိေသာ သံတမန္မ်ားကိုလည္း စစ္ေရးျပပြဲအခမ္းအနားကို တက္ေရာက္ရန္အတြက္ ဖိတ္ၾကားခဲ့ေၾကာင္း သိရသည္။ ႐ုရွားသမၼတပူတင္က ေပးပို႔ခဲ့ေသာ စာထဲတြင္ "႐ုရွားနဲ႔ ေျမာက္ကိုရီးယားႏွစ္ႏိုင္ငံလုံးဟာ ခ်စ္ၾကည္ရင္းႏွီးမႈ၊ အျပန္အလွန္ေလးစားမႈေတြ နဲ႔ ေကာင္းမြန္တဲ့ အိမ္နီးခ်င္း ႏိုင္ငံေတြအျဖစ္ ဆက္ဆံေရးကို ပိုမိုတိုးျမႇင့္လာႏိုင္ခဲ့ပါတယ္။ ဒါဟာ ႏွစ္ႏိုင္ငံလုံးမွာရွိတဲ့ ျပည္သူေတြရဲ႕အက်ိဳး စီးပြားေတြ၊ လုံၿခဳံေရးေတြနဲ႔ ကိုရီးယားကြၽန္းဆြယ္နဲ႔ အေရွ႕ေျမာက္အာရွမွာ တည္ၿငိမ္မႈေတြကို ေပးစြမ္းႏိုင္မယ္လို႔ ယုံၾကည္ပါတယ္" ဟု ေရးသားထားသည္။

တ႐ုတ္သမၼတရွီက်င့္ဖ်င္က ေပးပို႔ခဲ့ေသာ စာထဲတြင္ "တ႐ုတ္ႏိုင္ငံဟာ ႏွစ္ႏိုင္ငံၾကား မဟာဗ်ဴဟာေျမာက္ ဆက္သြယ္ေရးပိုင္းေတြမွာ ပိုမိုအားေကာင္းလာေအာင္ လုပ္ေဆာင္ဖို႔၊ ႏွစ္ႏိုင္ငံၾကား ပူးေပါင္းေဆာင္႐ြက္မႈေတြကို ပိုမိုျမႇင့္တင္ဖို႔ နဲ႔ တ႐ုတ္ နဲ႔ ေျမာက္ကိုရီးယားႏိုင္ငံၾကားဆက္ဆံေရးေတြကို ပိုမိုျမႇင့္တင္ႏိုင္ဖို႔အတြက္ အဆင္သင့္ ရွိေနပါတယ္" ဟု ေရးသားထားသည္။