အမေရိကန်နိုင်ငံ မိုင်ယာမီမြို့တွင် ဂြိုလ်သားတစ်ကောင် တွေ့ရှိသည်ဆိုသော သတင်းနှင့်ပတ်သက်ပြီး အမေရိကန်ရဲတပ်ဖွဲ့ ပြန်လည်ရှင်းလင်း
3093
Pika (NP News) - ဇန်နဝါရီ ၈
အမေရိကန်နိုင်ငံ ဖလော်ရီဒါပြည်နယ် မိုင်ယာမီမြို့တွင် နှစ်သစ်ကူးနေ့မှာ (၁ဝ)ပေမြင့်သော ဂြိုလ်သားတစ်ကောင် သွားလာနေသည်ဆိုသည့် ကောလဟာလများမှာ မဟုတ်မမှန်ကြောင်း မိုင်ယာမီရဲတပ်ဖွဲ့ကပြော ကြားခဲ့သည်။
"ဂြိုလ်သားတွေ၊ UFO တွေ၊ ET ဆိုတာတွေ မရှိပါဘူး" ဟု ရဲတပ်ဖွဲ့က ပြောခဲ့သည်။
မိုင်ယာမီမြို့လယ်ရှိ ဈေးဝယ်စင်တာတစ်ခုဖြစ်သော Bayside Marketplace အပြင်ဖက်တွင် လမ်းလျှောက် နေသည့် ကြီးမားသောရုပ်ပုံတစ်ပုံပါဝင်သော ဗီဒီယိုဖိုင်တစ်ခု ပျံ့နှံ့ခဲ့ပြီးနောက် အဆိုပါကောလဟာလများ ထွက်ပေါ်လာခြင်းဖြစ်သည်။
သို့သော်လည်း အဆိုပါ ဗီဒီယိုဖိုင်တွင် ပါဝင်သော ကြီးမားသောရုပ်ပုံမှာ ဂြိုလ်သားတစ်ကောင်ဖြစ်သည်ဆိုသည့် ဖြစ်နိုင်ခြေများမှာ အလွန်နည်းပါးကြောင်း ရဲတပ်ဖွဲ့က ပြောကြားခဲ့သည်။ ရဲအရာရှိမီချယ်ဗီဂါ က "ဒါဟာ လမ်းလျှောက်နေတဲ့လူတစ်ယောက်ရဲ့အရိပ်တစ်ခုပါ။ ဗီဒီယိုဖိုင်အစကို ကြည့်လိုက်မယ်ဆိုရင် အဲဒီအရိပ်ရဲ့ အောက်ခြေမှာ လူတစ်ယောက်ကို တွေ့နိုင်ပါတယ်။ တကယ်လို့ သတ္တဝါတစ်ကောင်ကောင်သာ ရှိခဲ့မယ်ဆိုရင် ကျွန်တော် အပါအဝင် အခြားအရာရှိတွေဟာ ရိုင်ဖယ်သေနတ်တွေကို ကိုင်ဆောင်ပြီး ရဲကားတွေနောက်မှာ အကာအကွယ်ယူထားမှာပါ" ဟု ပြောခဲ့သည်။
ဈေးဝယ်စင်တာသို့ ရဲတပ်ဖွဲ့ဝင် အများအပြားရောက်ရှိလာရသည့် အကြောင်းအရင်းမှာ တုတ်များ ကိုင်ဆောင်ထားသော အရွယ်မရောက်သေးသူ (၅ဝ)ကျော်သည် ဈေးဝယ်စင်တာအတွင်း ခိုက်ရန်ဖြစ်ပွားနေသည် ဆိုသည့် သတင်းပေးပို့မှုများကြောင့်ဖြစ်ကြောင်း မီချယ်ဗီဂါက ပြောကြားခဲ့သည်။
အဆိုပါ အရွယ်မရောက်သေးသူ(၅ဝ)ကျော်သည် ရဲတပ်ဖွဲ့များ ရောက်လာသည့်အချိန်အထိ ဈေးဝယ်စင်တာ အတွင်းမှ ထွက်သွားရန် ငြင်းဆိုခဲ့ကြကြောင်း သိရသည်။ ရဲတပ်ဖွဲ့ဝင်အချို့သည် အဆိုပါကလေးငယ်များကို ထိန်းချုပ်နိုင်ရန် ကြိုးပမ်းခဲ့ပြီး အခြားရဲတပ်ဖွဲ့ဝင်များမှာ လူအုပ်ကြီးကို ထိန်းချုပ်ရန် လုပ်ဆောင်ခဲ့ကြကြောင်း သိရသည်။
ထို့အပြင် ရဲတပ်ဖွဲ့ဝင်များသည် သောင်းကျန်းသူများကို ထိန်းချုပ်နိုင်ရန်အတွက် ဆိုင်အချို့ကို ယာယီပိတ်ခိုင်း ခဲ့ရကြောင်းလည်း သိရသည်။ ရဲတပ်ဖွဲ့သည် အဆိုပါကိစ္စများနှင့်ပတ်သက်ပြီး ပြည်သူများကို စိတ်ဒုက္ခရောက် အောင်လုပ်မှုဖြင့် ဆယ်ကျော်သက်အရွယ်လူ(၁၄)ဦးကို ဖမ်းဆီးခဲ့ကြောင်း NBC Miami ၏ အဆိုအရ သိရသည်။
Zawgyi Version;
အေမရိကန္ႏိုင္ငံ မိုင္ယာမီၿမိဳ႕တြင္ ၿဂိဳလ္သားတစ္ေကာင္ ေတြ႕ရွိသည္ဆိုေသာ သတင္းႏွင့္ပတ္သက္ၿပီး အေမရိကန္ရဲတပ္ဖြဲ႕ ျပန္လည္ရွင္းလင္း
Pika (NP News) - ဇန္နဝါရီ ၈
အေမရိကန္ႏိုင္ငံ ဖေလာ္ရီဒါျပည္နယ္ မိုင္ယာမီၿမိဳ႕တြင္ ႏွစ္သစ္ကူးေန႔မွာ (၁ဝ)ေပျမင့္ေသာ ၿဂိဳလ္သားတစ္ေကာင္ သြားလာေနသည္ဆိုသည့္ ေကာလဟာလမ်ားမွာ မဟုတ္မမွန္ေၾကာင္း မိုင္ယာမီရဲတပ္ဖြဲ႕ကေျပာ ၾကားခဲ့သည္။
"ၿဂိဳလ္သားေတြ၊ UFO ေတြ၊ ET ဆိုတာေတြ မရွိပါဘူး" ဟု ရဲတပ္ဖြဲ႕က ေျပာခဲ့သည္။
မိုင္ယာမီၿမိဳ႕လယ္ရွိ ေဈးဝယ္စင္တာတစ္ခုျဖစ္ေသာ Bayside Marketplace အျပင္ဖက္တြင္ လမ္းေလွ်ာက္ ေနသည့္ ႀကီးမားေသာ႐ုပ္ပုံတစ္ပုံပါဝင္ေသာ ဗီဒီယိုဖိုင္တစ္ခု ပ်ံ႕ႏွံ႔ခဲ့ၿပီးေနာက္ အဆိုပါေကာလဟာလမ်ား ထြက္ေပၚလာျခင္းျဖစ္သည္။
သို႔ေသာ္လည္း အဆိုပါ ဗီဒီယိုဖိုင္တြင္ ပါဝင္ေသာ ႀကီးမားေသာ႐ုပ္ပုံမွာ ၿဂိဳလ္သားတစ္ေကာင္ျဖစ္သည္ဆိုသည့္ ျဖစ္ႏိုင္ေျခမ်ားမွာ အလြန္နည္းပါးေၾကာင္း ရဲတပ္ဖြဲ႕က ေျပာၾကားခဲ့သည္။ ရဲအရာရွိမီခ်ယ္ဗီဂါ က "ဒါဟာ လမ္းေလွ်ာက္ေနတဲ့လူတစ္ေယာက္ရဲ႕အရိပ္တစ္ခုပါ။ ဗီဒီယိုဖိုင္အစကို ၾကည့္လိုက္မယ္ဆိုရင္ အဲဒီအရိပ္ရဲ႕ ေအာက္ေျခမွာ လူတစ္ေယာက္ကို ေတြ႕ႏိုင္ပါတယ္။ တကယ္လို႔ သတၱဝါတစ္ေကာင္ေကာင္သာ ရွိခဲ့မယ္ဆိုရင္ ကြၽန္ေတာ္ အပါအဝင္ အျခားအရာရွိေတြဟာ ႐ိုင္ဖယ္ေသနတ္ေတြကို ကိုင္ေဆာင္ၿပီး ရဲကားေတြေနာက္မွာ အကာအကြယ္ယူထားမွာပါ" ဟု ေျပာခဲ့သည္။
ေဈးဝယ္စင္တာသို႔ ရဲတပ္ဖြဲ႕ဝင္ အမ်ားအျပားေရာက္ရွိလာရသည့္ အေၾကာင္းအရင္းမွာ တုတ္မ်ား ကိုင္ေဆာင္ထားေသာ အ႐ြယ္မေရာက္ေသးသူ (၅ဝ)ေက်ာ္သည္ ေဈးဝယ္စင္တာအတြင္း ခိုက္ရန္ျဖစ္ပြားေနသည္ ဆိုသည့္ သတင္းေပးပို႔မႈမ်ားေၾကာင့္ျဖစ္ေၾကာင္း မီခ်ယ္ဗီဂါက ေျပာၾကားခဲ့သည္။
အဆိုပါ အ႐ြယ္မေရာက္ေသးသူ(၅ဝ)ေက်ာ္သည္ ရဲတပ္ဖြဲ႕မ်ား ေရာက္လာသည့္အခ်ိန္အထိ ေဈးဝယ္စင္တာ အတြင္းမွ ထြက္သြားရန္ ျငင္းဆိုခဲ့ၾကေၾကာင္း သိရသည္။ ရဲတပ္ဖြဲ႕ဝင္အခ်ိဳ႕သည္ အဆိုပါကေလးငယ္မ်ားကို ထိန္းခ်ဳပ္ႏိုင္ရန္ ႀကိဳးပမ္းခဲ့ၿပီး အျခားရဲတပ္ဖြဲ႕ဝင္မ်ားမွာ လူအုပ္ႀကီးကို ထိန္းခ်ဳပ္ရန္ လုပ္ေဆာင္ခဲ့ၾကေၾကာင္း သိရသည္။
ထို႔အျပင္ ရဲတပ္ဖြဲ႕ဝင္မ်ားသည္ ေသာင္းက်န္းသူမ်ားကို ထိန္းခ်ဳပ္ႏိုင္ရန္အတြက္ ဆိုင္အခ်ိဳ႕ကို ယာယီပိတ္ခိုင္း ခဲ့ရေၾကာင္းလည္း သိရသည္။ ရဲတပ္ဖြဲ႕သည္ အဆိုပါကိစၥမ်ားႏွင့္ပတ္သက္ၿပီး ျပည္သူမ်ားကို စိတ္ဒုကၡေရာက္ ေအာင္လုပ္မႈျဖင့္ ဆယ္ေက်ာ္သက္အ႐ြယ္လူ(၁၄)ဦးကို ဖမ္းဆီးခဲ့ေၾကာင္း NBC Miami ၏ အဆိုအရ သိရသည္။