ရန်ကုန်တွင် အိမ်ငှားခများ ဆက်တိုက်မြင့်တက်နေ၍ အခြေခံမိသားစုများ အခက်ကြုံနေ
2110
ပြည့်ဖြိုး (NP News) - ဇန်နဝါရိ ၁ဝ
စစ်ဘေးရှောင်များဖြင့် လူဦးရေပိုများလာသည့် ရန်ကုန်မြို့တွင် အချိန်တိုအတွင်း အိမ်ငှားစျေးနှုန်းများ အဆမတန် မြင့်တက်နေသည့်အတွက် လက်လုပ်လက်စား အခြေခံမိသားစုများ နေထိုင်ရေးအခက်အခဲများစွာဖြစ်နေကြောင်း ရန်ကုန်မြို့နေ ပြည်သူများက ပြောသည်။
အခြေခံမိသားစုများမှာ လုံးခြင်းအိမ်ငှားရမ်းနိုင်ခြင်းမရှိသောကြောင့် အခန်းတွဲအဆောင်များကိုသာ အဓိက ရှာဖွေ ငှားရမ်းနေရကြောင်း သိရသည်။
အိမ်ငှားစျေးများမှာလည်း ရွှေပြည်သာ၊ လှိုင်သာယာ၊ ဒဂုံမြို့သစ်လေးမြို့နယ် အပါအဝင် မြို့စွန်များတွင်ပင် ကျပ်တစ်သိန်းခွဲတန်အခန်းများမှာ ရှာဖွေငှားရမ်းရန်ရှားပါးလာပြီး ကျပ်နှစ်သိန်းမှ ကျပ်သုံးသိန်းခွဲဝန်းကျင် အခန်း များသာရှိကြောင်း သိရသည်။
“တစ်သိန်းခွဲအခန်းဆိုရင် ပျဉ်းဆွေးဆွေး၊ သွပ်ကာနဲ့ ဆယ်ပေ၊ ခြောက်ဆယ်ကို ပေးရတာ။ ဒါတောင် လိုချင်တိုင်း မရဘူး။ တော်တော်ရှာငှားရတယ်။ နှစ်သိန်းကျော်ဆိုမှ နည်းနည်းသန့်တာ။ ဒါလည်း ဆယ်ပေ၊ ခြောက်ဆယ် ပဲ။ ဒါတောင် ရွှေပြည်သာမှာမို့လို့။ မြို့နဲ့နီးတဲ့ သာကေတ၊ တာမွေဆို အနားတောင်မကပ်နိုင်ဘူး။ နောက်ပြီး ကုန်စျေးနှုန်းတက်လို့ဆိုပြီး နေတာ သုံးလကျော်ပဲ ရှိတာကို သုံးသောင်းထပ်တင်သေးတယ်။ မပေးရင် ဖယ်ခိုင်း တယ်” ဟု ရွှေပြည်သာမြို့နယ်ရှိ ပြည်သူတစ်ဦးက ပြောသည်။
ဒဂုံဆိပ်ကမ်းမြို့နယ်ဘက်တွင်လည်း အိမ်ငှားများကို ရေရှည်စာချုပ်မချုပ်ဘဲ အများဆုံး ခြောက်လ၊ တစ်နှစ်ဖြင့် ပြောင်းရွေ့မှုများလုပ်ခိုင်းပြီး အိမ်လခစျေးတင် တိုးတောင်းခြင်းများရှိနေခြင်းကြောင့် အခက်အခဲများစွာ ရှိနေ ကြောင်း ဒဂုံဆိပ်ကမ်းမြို့နယ်၊ ယုဇနဥယျာဉ်မြို့တော်၊ အပိုင်း ၂ တွင်နေထိုင်သည့် ပြည်သူတစ်ဦးက ပြောသည်။
“ဒီအခန်းနေတာ ခြောက်လပဲ ရှိသေးတယ်။ နှစ်သိန်းခွဲကနေ သုံးသိန်းတိုးတောင်းတယ်။ မပေးနိုင်ရင်ပြောင်းပေါ့ လေ။ နေတာနှစ်နှစ်၊ အိမ်ပြောင်းတာ ငါးကြိမ်လောက်ရှိနေပြီ။ အဓိက ပွဲစားတွေလုပ်စားနေတာ။ သူတို့ ပွဲခ ရအောင်လေ၊ အိမ်ရှင်ကလည်း အိမ်လခ ပိုရတယ်ဆိုပြီး စာနာမှုမရှိ ပြောင်းခိုင်းတာပဲ။ အိမ်ပြောင်းရင်လည်း မလွယ်ဘူး။ ပြောင်းခ၊ ရွှေ့ခ၊ ဧည့်စာရင်းချိန်း၊ အကုန်အစက ပြန်လုပ်ရတာ။ နေရာပြောင်းရင် ကလေးတွေ ကျောင်းထားရတာကအစ ဒုက္ခရောက်တယ်။ ရွေးချယ်စရာလည်း မရှိဘူးလေ” ဟု ဆိုသည်။
၂၀၂၄ ခုနှစ်မတိုင်ခင်က အိမ်လခစျေးနှုန်းများမှာ ကြွေပြားခင်း တိုက်ခန်းများကို တစ်လလျှင် ကျပ်တစ်သိန်း၊ တစ်သိန်းနှစ်သောင်း၊ အများဆုံး တစ်သိန်းခွဲကျော်သာရှိခဲ့ရာမှ ယခုနှစ်နှစ်အတွင်း စျေးနှုန်းများနှစ်ဆကျော် ပိုတိုးမြင့်လာခြင်းဖြစ်ကြောင်း ရန်ကုန်မြို့ခံများ ပြောပြချက်အရ သိရသည်။
Zawgyi Version:
ရန္ကုန္တြင္ အိမ္ငွားခမ်ား ဆက္တိုက္ျမင့္တက္ေန၍ အေျခခံမိသားစုမ်ား အခက္ႀကဳံေန
ျပည့္ၿဖိဳး (NP News) - ဇန္နဝါရိ ၁ဝ
စစ္ေဘးေရွာင္မ်ားျဖင့္ လူဦးေရပိုမ်ားလာသည့္ ရန္ကုန္ၿမိဳ႕တြင္ အခ်ိန္တိုအတြင္း အိမ္ငွားေစ်းႏႈန္းမ်ား အဆမတန္ ျမင့္တက္ေနသည့္အတြက္ လက္လုပ္လက္စား အေျခခံမိသားစုမ်ား ေနထိုင္ေရးအခက္အခဲမ်ားစြာျဖစ္ေနေၾကာင္း ရန္ကုန္ၿမိဳ႕ေန ျပည္သူမ်ားက ေျပာသည္။
အေျခခံမိသားစုမ်ားမွာ လုံးျခင္းအိမ္ငွားရမ္းႏိုင္ျခင္းမရွိေသာေၾကာင့္ အခန္းတြဲအေဆာင္မ်ားကိုသာ အဓိက ရွာေဖြ ငွားရမ္းေနရေၾကာင္း သိရသည္။
အိမ္ငွားေစ်းမ်ားမွာလည္း ေ႐ႊျပည္သာ၊ လႈိင္သာယာ၊ ဒဂုံၿမိဳ႕သစ္ေလးၿမိဳ႕နယ္ အပါအဝင္ ၿမိဳ႕စြန္မ်ားတြင္ပင္ က်ပ္တစ္သိန္းခြဲတန္အခန္းမ်ားမွာ ရွာေဖြငွားရမ္းရန္ရွားပါးလာၿပီး က်ပ္ႏွစ္သိန္းမွ က်ပ္သုံးသိန္းခြဲဝန္းက်င္ အခန္း မ်ားသာရွိေၾကာင္း သိရသည္။
“တစ္သိန္းခြဲအခန္းဆိုရင္ ပ်ဥ္းေဆြးေဆြး၊ သြပ္ကာနဲ႔ ဆယ္ေပ၊ ေျခာက္ဆယ္ကို ေပးရတာ။ ဒါေတာင္ လိုခ်င္တိုင္း မရဘူး။ ေတာ္ေတာ္ရွာငွားရတယ္။ ႏွစ္သိန္းေက်ာ္ဆိုမွ နည္းနည္းသန႔္တာ။ ဒါလည္း ဆယ္ေပ၊ ေျခာက္ဆယ္ ပဲ။ ဒါေတာင္ ေ႐ႊျပည္သာမွာမို႔လို႔။ ၿမိဳ႕နဲ႔နီးတဲ့ သာေကတ၊ တာေမြဆို အနားေတာင္မကပ္ႏိုင္ဘူး။ ေနာက္ၿပီး ကုန္ေစ်းႏႈန္းတက္လို႔ဆိုၿပီး ေနတာ သုံးလေက်ာ္ပဲ ရွိတာကို သုံးေသာင္းထပ္တင္ေသးတယ္။ မေပးရင္ ဖယ္ခိုင္း တယ္” ဟု ေ႐ႊျပည္သာၿမိဳ႕နယ္ရွိ ျပည္သူတစ္ဦးက ေျပာသည္။
ဒဂုံဆိပ္ကမ္းၿမိဳ႕နယ္ဘက္တြင္လည္း အိမ္ငွားမ်ားကို ေရရွည္စာခ်ဳပ္မခ်ဳပ္ဘဲ အမ်ားဆုံး ေျခာက္လ၊ တစ္ႏွစ္ျဖင့္ ေျပာင္းေ႐ြ႕မႈမ်ားလုပ္ခိုင္းၿပီး အိမ္လခေစ်းတင္ တိုးေတာင္းျခင္းမ်ားရွိေနျခင္းေၾကာင့္ အခက္အခဲမ်ားစြာ ရွိေန ေၾကာင္း ဒဂုံဆိပ္ကမ္းၿမိဳ႕နယ္၊ ယုဇနဥယ်ာဥ္ၿမိဳ႕ေတာ္၊ အပိုင္း ၂ တြင္ေနထိုင္သည့္ ျပည္သူတစ္ဦးက ေျပာသည္။
“ဒီအခန္းေနတာ ေျခာက္လပဲ ရွိေသးတယ္။ ႏွစ္သိန္းခြဲကေန သုံးသိန္းတိုးေတာင္းတယ္။ မေပးႏိုင္ရင္ေျပာင္းေပါ့ ေလ။ ေနတာႏွစ္ႏွစ္၊ အိမ္ေျပာင္းတာ ငါးႀကိမ္ေလာက္ရွိေနၿပီ။ အဓိက ပြဲစားေတြလုပ္စားေနတာ။ သူတို႔ ပြဲခ ရေအာင္ေလ၊ အိမ္ရွင္ကလည္း အိမ္လခ ပိုရတယ္ဆိုၿပီး စာနာမႈမရွိ ေျပာင္းခိုင္းတာပဲ။ အိမ္ေျပာင္းရင္လည္း မလြယ္ဘူး။ ေျပာင္းခ၊ ေ႐ႊ႕ခ၊ ဧည့္စာရင္းခ်ိန္း၊ အကုန္အစက ျပန္လုပ္ရတာ။ ေနရာေျပာင္းရင္ ကေလးေတြ ေက်ာင္းထားရတာကအစ ဒုကၡေရာက္တယ္။ ေ႐ြးခ်ယ္စရာလည္း မရွိဘူးေလ” ဟု ဆိုသည္။
၂၀၂၄ ခုႏွစ္မတိုင္ခင္က အိမ္လခေစ်းႏႈန္းမ်ားမွာ ေႂကြျပားခင္း တိုက္ခန္းမ်ားကို တစ္လလွ်င္ က်ပ္တစ္သိန္း၊ တစ္သိန္းႏွစ္ေသာင္း၊ အမ်ားဆုံး တစ္သိန္းခြဲေက်ာ္သာရွိခဲ့ရာမွ ယခုႏွစ္ႏွစ္အတြင္း ေစ်းႏႈန္းမ်ားႏွစ္ဆေက်ာ္ ပိုတိုးျမင့္လာျခင္းျဖစ္ေၾကာင္း ရန္ကုန္ၿမိဳ႕ခံမ်ား ေျပာျပခ်က္အရ သိရသည္။