ဂေါတမဘုရားရှင် ဖွားမြင်တော်မူရာ လုမ္ဗနီ၌ ဘင်္ဂလားဒေ့ရှ်နိုင်ငံ ကိုယ်စားပြု ဗုဒ္ဓကျောင်းတော် ဆောက်လုပ်လှူဒါန်းရန် ရှိတ်ဟာစီနာ စီစဉ်
9139
Htay Oung (NP News) - ဇွန် ၂
ဂေါတမမြတ်စွာဘုရား ဖွားမြင်တော်မူရာဒေသမှာ ဘင်္ဂလားဒေ့ရှ်နိုင်ငံကိုယ်စားပြု ဗုဒ္ဓကျောင်းတော်ကို ဆောက်လုပ်လှူဒါန်းသွားရန် နီပေါနိုင်ငံမှာ စီစဉ်လျှက်ရှိတယ်လို့ ဝန်ကြီးချုပ် ရှိတ်ဟာဆီနာက ပြောဆိုကြောင်း ဒါကာ အခြေစိုက် “ဘင်ဇင်းနက်စ်_စတင်းဒတ်” နေ့စဉ်သတင်းစာက မေလ ၂၅ ရက်မှာရေးသားပါတယ်။
မွတ်စလင်ဘာသာရေးခေါင်းဆောင်များ၊ ဗုဒ္ဓဘာသာ အထင်ကရပုဂ္ဂိုလ်များနဲ့ တွေ့ဆုံစဉ် ဂေါတမဗုဒ္ဓ ဖွားမြင်တော်မူခြင်း၊ သဗ္ဗုတ ဉာဏ်တော်ရရှိခြင်း၊ ပရိနိဗ္ဗာန်စံတော်မူခြင်းများနဲ့ ပတ်သက်ပြီး အမြင်ခြင်းဖလှယ် ဆွေးနွေးရာမှာ ဝန်ကြီးချုပ် ရှိတ်ဟာစီနာက ယခုလို ထည့်သွင်း ပြောကြားခြင်းဖြစ်ကြောင်း သိရှိရပါတယ်။
အဲဒီကိစ္စနဲ့ ပတ်သက်ပြီး ဘင်္ဂလားဒေ့ရှ်အစိုးရနဲ့ နီပေါအစိုးရ လုဗ္မနီ_ဖွံ့ဖြိုးရေး_ထိန်းသိမ်းစောင့်ရှောက်မှုအဖွဲ့ တို့အကြား သဘောတူညီမှု ရရှိထားပြီး ပရောဂျက်ကို အကောင်အထည်ဖော်သွားမည်ဖြစ်ကြောင်း၊ မိမိတို့ အဝါမီလိဂ်အစိုးရဟာ နိုင်ငံသားအားလုံးရဲ့ လူမှုစီးပွားဖွံ့ဖြိုးတိုးတက်မှုကို မြှင့်တင်ဖို့အတွက် ရည်ရွယ်လုပ် ဆောင်နေတယ်လို့ ဝန်ကြီးချုပ်က ထပ်လောင်းပြောပြပါတယ်။
ကိုးကွယ်ယုံကြည်မှုနဲ့ အမျိုးဇာတ်အပေါ် အခြေခံခြင်း မရှိတဲ့ တိုင်းပြည်အဖြစ် ထူထောင်ရန် ဆန္ဒရှိကြောင်း၊ ပြည်သူတွေနဲ့ သူတို့ရဲ့ လူမှုစီးပွားဘဝ မြှင့်တင်ရေးအတွက် ဆောင်ရွက်လျှက်ရှိကြောင်း၊ ဘင်္ဂလားဒေ့ရှ်ဟာ မတူကွဲပြားတဲ့ ဘာသာဝင်ပေါင်းစုံတို့ အမြဲ အတူယှဉ်တွဲနေထိုင်ခဲ့ကြတဲ့ တိုင်းပြည်ဖြစ်ပြီး၊ နိုင်ငံကို နောက်ပြန် မလှည့်ပဲ ရှေ့သို့သာ တိုးတက်စေလိုကြောင်း၊ ဘင်္ဂလားဒေ့ရှ်နိုင်ငံသားတို့ရဲ့ မတူညီခြင်းများနဲ့ သဟဇာတဖြစ်အောင် အတူနေထိုင်လျှက်ရှိခြင်းဟာ ကမ္ဘာတိုင်းပြည်အသီးသီးအတွက် စံနမူနာပြ ဖြစ်လိမ့်မယ်လို့ ယုံကြည်ပါကြောင်း၊ စိန်ခေါ်မှုများကို အသိအမှတ်ပြုပေမယ့် နိုင်ငံရဲ့ ခံနိုင်ရည်အားကို ယုံကြည်ကြောင်း၊ လူတော်တော်များများက ဘင်္ဂလားဒေ့ရှ်ကို လမ်းကြောင်းပြောင်းဖို့ ကြိုးစားနေပေမယ့် ဘယ်လိုမှ မရကြောင်း၊ ဘာသာတရားတိုင်းရဲ့ အခြေခံနိယာမဟာ လူသားတို့ရဲ့အကျိုးစီးပွားဖြစ်ကြောင်း ဂေါတမမြတ်စွာဘုရားရဲ့ ဟောကြားတော်မူပုံတို့ကို ဝန်ကြီးချုပ်က အလေးပေးရှင်းပြပြီး ကိုးကွယ်ရာဘာသာအတု့ိအကြား မျှဝေတန်ဖိုးကို မီးမောင်းထိုးပြခဲ့ပါတယ်။
(ဗုဒ္ဓဘာသာဝင် အများစုနေထိုင်ရာ) စစ်တကောင်းတောင်တန်းဒေသအပြင် နိုင်ငံတဝှမ်း အခြားဒေသများနေ ဗုဒ္ဓဘာသာဝင်များ ဖွံ့ဖြိုးတိုးတက်ရေးအတွက်လည်း အစိုးရက လုပ်ဆောင်နေကြောင်း၊ အဲ့ဒီအတွက် ဝန်ကြီးချုပ်ရုံးမှာ သီးခြားရန်ပုံငွေ သတ်မှတ်ထားကြောင်း၊ ဘာသာရေးဆိုင်ရာ ဖွံ့ဖြိုးတိုးတက်ရေး လုပ်ငန်းများသာမက အခြားဘာသာ ကိုးကွယ်ယုံကြည်သူများကို အထူးအကူအညီများ ပေးအပ်ခဲ့ကြောင်း၊ နိုင်ငံအတွင်း အစ္စလာမ်ဘာသာကိုသာမက ကိုးကွယ်ရာဘာသာမျိုးမျိုးအတွက် ဝတ်ပြုဆုတောင်းရာနေရာများ ထူထောင်နေခြင်းတဲ့ ပတ်သက်ပြီး တကယ်တော့ စားဝတ်နေရေးအတွက် အသုံးချ ပညာရေး လိုအပ်ကြောင်း၊ လူတိုင်းလူတိုင်း ကလေးဘဝတည်းက ဘာသာရေးကို သင်ယူလို့ ရပါကြောင်း။ ဘာသာကိုးကွယ်ရာတို့ရဲ့ သွန်သင်ချက်များကို လိုက်နာခြင်းအားဖြင့် ဘာသာရေး ထုံးတမ်းစဉ်လာများနဲ့အညီ လိုအပ်ချက်များကို သင်ယူနိုင်ပုံကို ဘင်္ဂလားဒေ့ရှ်ဝန်ကြီးချူပ် ရှိတ်ဟာစီနာက အကျယ်တဝံ့ ပြောဆိုပါတယ်။
ယူနက်စကိုက ကမ္ဘာ့အမွေအနှစ်နေရာတစ်ခုတစ်အဖြစ် သတ်မှတ်ထားတဲ့ ဗုဒ္ဓမြတ်စွာဘုရား ဖွားမြင်ရာ လုမ္ဗိနီဒေသဟာ ကမ္ဘာအရပ်ရပ်မှ ဗုဒ္ဓဘာသာဝင်များနဲ့ ငြိမ်းချမ်းရေးကို မြတ်နိုးသူများအတွက် ဘူမိနက်သန် နေရာ တစ်ခုဖြစ်ပါတယ်။ ဗုဒ္ဓမြတ်စွာဘုရားဟာ ဘီစီ ၆၂၃ တွင် ဖွားမြင်တော်မူပြီး ပကတိငြိမ်းချမ်းရေးနဲ့ မဂ္ဂင်ဒေသနာတော်ကို ဟောကြားခဲ့ပါတယ်၊ ဗုဒ္ဓဘာသာသက်ဝင်ယုံကြည်သူများအတွက် အထွတ်အမြတ်ထားအပ်တဲ့ နေရာတစ်ခုအဖြစ် လေးစားကြည်ညိုကြပါတယ်။
အဲဒီ မေ-၂၅ ရက် “ဘင်ဇင်းနက်စ်_စတင်းဒတ်” ရဲ့ အခြားသတင်းတစ်ပုဒ်မှာတော့ အိန္ဒိယအရှေ့မြောက်ပိုင်း ပြည်နယ်များမှာ ငြိမ်းချမ်းရေးကို အားဖြည့်ပေးတဲ့အနေနဲ့ ဘင်္ဂလားဒေ့ရှ်နိုင်ငံအတွင်းဖြတ်သန်းနေတဲ့ လက်နက်မှောင်ခို လမ်းကြောင်းများကို ပိတ်ပစ်ရန် မိမိတို့အစိုးရအနေနဲ့ သိသိသာသာ လုပ်ဆောင်ခဲ့ကြောင်း ဝန်ကြီးချုပ် ရှိတ်ဟာစီနာက ပြောဆိုတယ်လို့ ရေးသားထားပါတယ်။ အဝါမီလိဂ်ပါတီ အာဏာရလာကတည်းက ဘင်္ဂလားဒေ့ရှ်နိုင်ငံဖြတ် လက်နက်မှောင်ခိုလမ်းကြောင်းတွေကို ပိတ်ပစ်လျှက်ရှိကြောင်း ဒါကာမြို့ဟောင်း “ဘန်ဂါဘဇား_နာဂါ” ၁၀-ထပ်အဆောက်အအုံ လက်ကားဈေးသစ် အပါအဝင်၊ ဖွံ့ဖြိုးတိုးတက်ရေးဆိုင်ရာ ပရောဂျက်များ ဖွင့်ပွဲအခန်းအနားမှာ ရှိတ်ဟာစီနာက ပြောကြားခြင်း ဖြစ်ကြောင်း သိရှိရပါတယ်။
အိန္ဒိယအရှေ့ဖျား အာသံ လွတ်မြောက်ရေးတပ်ဦး (ULFA) အပါအဝင် ခွဲထွက်ရေးအဖွဲ့ အသီးသီးတို့ထံ လက်နက်မှောင်ခိုတင်သွင်းမှုကို တားဆီးရာမှာ အဝါမီလိဂ်အစိုးရ ကြိုးပမ်းမှုရဲ့ အကျိုးသက်ရောက်မှုကို ဝန်ကြီးချုပ်က အကျယ်တဝံ့ ပြောပြပါတယ်။ ရလဒ်အနေနဲ့ အိန္ဒိယနိုင်ငံရဲ့ “ညီအစ်မ ခုနစ်ဖော်” ခေါ် အရှေ့မြောက်ပိုင်း ဝေးလံခေါင်ဖျားပြယ်နယ် ၇-ခုမှာ ငြိမ်းချမ်းရေး စိုးမိုးနိုင်ခဲ့ကြောင်း၊ အဝါမီလိဂ်က လုပ်ဆောင်ခဲ့ပြီး သိသာထင်ရှားတဲ့ အောင်မြင်မှုတစ်ခုဖြစ်ကြောင်း ရှိတ်ဟာစီနာက သူ့ရဲ့ ဖွင့်ပွဲမိန့်ခွန်းမှာ ထည့်သွင်းပြောဆိုပါတယ်။ အာသံပြည်နယ်ဟာ အိန္ဒိယ ညီအစ်မ ၇-ဖော်အနက် အကျယ်အဝန်းအရရော လူဦးရေအရပါ ဒုတိယအကြီးဆုံး ပြည်နယ်ဖြစ်ပါတယ်။ မြန်မာနိုင်ငံ ရန်ကုန်တိုင်းနီးပါး ကျယ်ဝန်းတဲ့ ပြည်နယ်ဟာ အရည်အသွေးကောင်း ပိုး ထည်နဲ့ လဖက်ခြောက်ထွက်ရှိရာဒေသအဖြစ် ထင်ရှားပါတယ်။ မြောက်ဖက်မှာ ဘူတန်နိုင်ငံ၊ ကျန်ညီအစ်မ ၇-ဖော် ပြည်နယ် ၄-ခုတို့နဲ့ ထိစပ်နေပါတယ်။ အဲဒီအထဲမှာ မြန်မာနိုင်ငံ ကချင်ပြည်နယ်နဲ့ ထိစပ်နေတဲ့ နာဂပြည်နယ်၊ တရုတ်-အိန္ဒိယ နယ်ခြားပိုင်နက် အငြင်းပွားနေတဲ့ အာရူနာချယ်ပရာဒက်ရှ်ပြည်နယ်တို့လည်း ပါဝင်ပါတယ်။ အထူးသဖြင့် အာသံပြည်နယ် အနောက်ပိုင်း “ဆီလီဂူရီ_စင်္ကြံလမ်း” ခေါ် “ကြက်လည်ချောင်း စင်္ကြံ” ဩဟာ နီပေါ-ဘူတန်-ဘင်္ဂလားဒေ့ ၃-နိုင်ငံတြိဂံဒေသနဲ့ ကပ်လျှက်တည်ရှိနေတဲ့အတွက် ပထဝီနိုင်ငံရေး မဟာဗျူဟာအရ အလွန်အရေးပါပါတယ်။
“ညီညွတ်သော အာသံ လွတ်မြောက်ရေး တပ်ဦး” ခေါ် ULFA ဟာ အဲ့ဒီပြည်နယ်မှာ လှုပ်ရှားနေတဲ့ စစ်သွေးကြွ အဖွဲ့အစည်းတစ်ခုဖြစ်ပြီး အိန္ဒိယအစိုးရကို လက်နက်ကိုင် တော်လှန်ခြင်းအားဖြင့် အာသံပြည်သူများအတွက် လွတ်လပ်သောအချုပ်အခြာအာဏာပိုင် နိုင်ငံထူထောင်ရေးကို ကြိုးပမ်းနေပါတယ်။ အိန္ဒိယနိုင်ငံရဲ့ ညီအစ်မ ခုနစ်ဖော် ခေါ် အရှေ့မြောက် ဝေလံခေါင်ဖျား ကုန်းတွင်းပိတ်ပြည်များမှာ မီဇိုရမ်၊ အာသံ၊ မဏိပူရ၊ မီဂါလာယာ၊ တြိပူရာ၊ အာရူနာချယ်ပရာဒက်ရှ်နဲ့ နာဂလန်းတို့ဖြစ်ပါတယ်။ အိန္ဒိယတိုက်ငယ် အနောက်ဖက်ကျကျမှာ ရောက်ရှိနေတဲ့ နယူးဒေလီအစိုးရအတွက် အဲ့ဒီပြည်နယ်များကို ဆက်သွယ်ထောက်ပံ့ နိုင်ဖို့အတွက် ၄၈-မိုင် အရှည်၊ ၁၂ မှ ၁၄ မိုင်သာ အများဆုံးကျယ်ဝန်းတဲ့ အာသံပြည်နယ် “ကြက်လည်ချောင်း စင်္ကြံ” ကို မဖြစ်သန်းပဲ မဖြစ်နိုင်ပါဘူး။ ၁၉၉၀ ခုနှစ် အိန္ဒိယအစိုးရဟာ ULFA ကို အကြမ်းဖက်အဖွဲ့အစည်းအဖြစ် သတ်မှတ်ပြီး တားဆီးပိတ်ပင်မှုများ ပြုလုပ်နေပါတယ်။
(LDC ခေါ် ကမ္ဘာ့ဖွံ့ဖြိုးတိုးတက်မှု အနည်းဆုံးတိုင်းပြည်များအနက် အာရှတိုက်မှာ မြန်မာ၊ နီပေါ၊ ဘင်္ဂလား ဒေ့ရှ်၊ ကမ္ဘောဒီးယား၊ လောနိုင်ငံတို့ ပါဝင်ပါတယ်။ ၄၅-ခု ရှိတဲ့ အဲ့ဒီနိုင်ငံများမှာ ဘုံတူညီတဲ့ အချက် ၅-ချက် ရှိတယ်လို့ ဟားဘတ်တက္ကသိုလ်က ပြောခဲ့ဖူးပါတယ်။
(၁) ကုန်းတွင်းပိတ် သို့မဟုတ် ဆင်းရဲမွဲတေနှုန်း မြင့်မားခြင်း (၂) စိုက်ပျိုးရေး သို့မဟုတ် သယံဇာတများကို ထုတ်ရောင်းခြင်းမျိုးလို အပေါ်မှာသာ နိုင်ငံအဓိကရပ်တည်နေပြီး အခြား အမယ်စုံ စီးပွားရေးလုပ်ငန်းမရှိခြင်း၊ (၃) နိုင်ငံသား အများစုတို့ဟာ ဗဟုဝါဒ ခေါ် မတူညီတဲ့ ဘာသာ-လူမျိုးစုများ ရောနှောနေထိုင်တဲ့ ပုံစံမျိုးနဲ့ အသားတကျ မဖြစ်ခြင်း၊ (၄) တိုင်းရင်းသား မျိုးနွယ်စု အလွန်များခြင်း (၅) ဒီမိုကရေစီ မဟုတ်သည့် တစ်ပါတီအစိုးရ အုပ်ချုပ်တဲ့ အိမ်နီးချင်းတိုင်းပြည်က အင်အားကြီးနိုင်ငံအဖြစ် ကပ်လျှက်တည်ရှိခြင်းတို့ ဖြစ်ကြောင်း၊ အဲဒီ LDC တိုင်းပြည်တွေဟာ အာဏာသိမ်းခြင်းတို့လို ဒီမိုကရေစီ နောက်ကြောင်းပြန်လှည့်ခြင်းမျိုးကို မကြာခဏဦးတည်သွားတတ်ပြီး ပြည်တွင်းစစ် သို့မဟုတ် နိုင်ငံရေး လုံခြုံရေး မတည်ငြိမ်ခြင်းများကို တွေ့ရတတ်တယ်လို့ ပြောဆိုပါတယ်။
ကိုင်း .. ဟားဘတ်ပြောတဲ့ (၅) ချက်မှာ ကျွန်တော်တို့ ဘာမေးရှားက ဘယ်နှစ်ချက်နဲ့ ကိုက်ညီနေပါသလဲ။ ။ သတင်းဘာသာပြန်သူ၏ သုံးသပ်ချက်ဖြစ်သည်။)
(The Business Standard., 25 May 2024, “Temple to be built in Nepal on behalf of Bangladesh at Buddha's birthplace: PM” နှင့် အခြားဆက်စပ်သတင်းများကို ဆီလျော် အောင် ဘာသာပြန်ဆို စုစည်းသည်)
zawgyi version
ေဂါတမဘုရားရွင္ ဖြားျမင္ေတာ္မူရာ လုမၺနီ၌ ဘဂၤလားေဒ့ရွ္ႏိုင္ငံ ကိုယ္စားျပဳ ဗုဒၶေက်ာင္းေတာ္ ေဆာက္လုပ္လႉဒါန္းရန္ ရွိတ္ဟာစီနာ စီစဥ္
Htay Oung (NP News) - ဇြန္ ၂
ေဂါတမျမတ္စြာဘုရား ဖြားျမင္ေတာ္မူရာေဒသမွာ ဘဂၤလားေဒ့ရွ္ႏိုင္ငံကိုယ္စားျပဳ ဗုဒၶေက်ာင္းေတာ္ကို ေဆာက္လုပ္လႉဒါန္းသြားရန္ နီေပါႏိုင္ငံမွာ စီစဥ္လွ်က္ရွိတယ္လို႔ ဝန္ႀကီးခ်ဳပ္ ရွိတ္ဟာဆီနာက ေျပာဆိုေၾကာင္း ဒါကာ အေျခစိုက္ “ဘင္ဇင္းနက္စ္_စတင္းဒတ္” ေန႔စဥ္သတင္းစာက ေမလ ၂၅ ရက္မွာေရးသားပါတယ္။
မြတ္စလင္ဘာသာေရးေခါင္းေဆာင္မ်ား၊ ဗုဒၶဘာသာ အထင္ကရပုဂၢိဳလ္မ်ားနဲ႔ ေတြ႕ဆုံစဥ္ ေဂါတမဗုဒၶ ဖြားျမင္ေတာ္မူျခင္း၊ သဗၺဳတ ဉာဏ္ေတာ္ရရွိျခင္း၊ ပရိနိဗၺာန္စံေတာ္မူျခင္းမ်ားနဲ႔ ပတ္သက္ၿပီး အျမင္ျခင္းဖလွယ္ ေဆြးေႏြးရာမွာ ဝန္ႀကီးခ်ဳပ္ ရွိတ္ဟာစီနာက ယခုလို ထည့္သြင္း ေျပာၾကားျခင္းျဖစ္ေၾကာင္း သိရွိရပါတယ္။
အဲဒီကိစၥနဲ႔ ပတ္သက္ၿပီး ဘဂၤလားေဒ့ရွ္အစိုးရနဲ႔ နီေပါအစိုးရ လုဗၼနီ_ဖြံ႕ၿဖိဳးေရး_ထိန္းသိမ္းေစာင့္ေရွာက္မႈအဖြဲ႕ တို႔အၾကား သေဘာတူညီမႈ ရရွိထားၿပီး ပေရာဂ်က္ကို အေကာင္အထည္ေဖာ္သြားမည္ျဖစ္ေၾကာင္း၊ မိမိတို႔ အဝါမီလိဂ္အစိုးရဟာ ႏိုင္ငံသားအားလုံးရဲ႕ လူမႈစီးပြားဖြံ႕ၿဖိဳးတိုးတက္မႈကို ျမႇင့္တင္ဖို႔အတြက္ ရည္႐ြယ္လုပ္ ေဆာင္ေနတယ္လို႔ ဝန္ႀကီးခ်ဳပ္က ထပ္ေလာင္းေျပာျပပါတယ္။
ကိုးကြယ္ယုံၾကည္မႈနဲ႔ အမ်ိဳးဇာတ္အေပၚ အေျခခံျခင္း မရွိတဲ့ တိုင္းျပည္အျဖစ္ ထူေထာင္ရန္ ဆႏၵရွိေၾကာင္း၊ ျပည္သူေတြနဲ႔ သူတို႔ရဲ႕ လူမႈစီးပြားဘဝ ျမႇင့္တင္ေရးအတြက္ ေဆာင္႐ြက္လွ်က္ရွိေၾကာင္း၊ ဘဂၤလားေဒ့ရွ္ဟာ မတူကြဲျပားတဲ့ ဘာသာဝင္ေပါင္းစုံတို႔ အၿမဲ အတူယွဥ္တြဲေနထိုင္ခဲ့ၾကတဲ့ တိုင္းျပည္ျဖစ္ၿပီး၊ ႏိုင္ငံကို ေနာက္ျပန္ မလွည့္ပဲ ေရွ႕သို႔သာ တိုးတက္ေစလိုေၾကာင္း၊ ဘဂၤလားေဒ့ရွ္ႏိုင္ငံသားတို႔ရဲ႕ မတူညီျခင္းမ်ားနဲ႔ သဟဇာတျဖစ္ေအာင္ အတူေနထိုင္လွ်က္ရွိျခင္းဟာ ကမာၻတိုင္းျပည္အသီးသီးအတြက္ စံနမူနာျပ ျဖစ္လိမ့္မယ္လို႔ ယုံၾကည္ပါေၾကာင္း၊ စိန္ေခၚမႈမ်ားကို အသိအမွတ္ျပဳေပမယ့္ ႏိုင္ငံရဲ႕ ခံႏိုင္ရည္အားကို ယုံၾကည္ေၾကာင္း၊ လူေတာ္ေတာ္မ်ားမ်ားက ဘဂၤလားေဒ့ရွ္ကို လမ္းေၾကာင္းေျပာင္းဖို႔ ႀကိဳးစားေနေပမယ့္ ဘယ္လိုမွ မရေၾကာင္း၊ ဘာသာတရားတိုင္းရဲ႕ အေျခခံနိယာမဟာ လူသားတို႔ရဲ႕အက်ိဳးစီးပြားျဖစ္ေၾကာင္း ေဂါတမျမတ္စြာဘုရားရဲ႕ ေဟာၾကားေတာ္မူပုံတို႔ကို ဝန္ႀကီးခ်ဳပ္က အေလးေပးရွင္းျပၿပီး ကိုးကြယ္ရာဘာသာအတု႔ိအၾကား မွ်ေဝတန္ဖိုးကို မီးေမာင္းထိုးျပခဲ့ပါတယ္။
(ဗုဒၶဘာသာဝင္ အမ်ားစုေနထိုင္ရာ) စစ္တေကာင္းေတာင္တန္းေဒသအျပင္ ႏိုင္ငံတဝွမ္း အျခားေဒသမ်ားေန ဗုဒၶဘာသာဝင္မ်ား ဖြံ႕ၿဖိဳးတိုးတက္ေရးအတြက္လည္း အစိုးရက လုပ္ေဆာင္ေနေၾကာင္း၊ အဲ့ဒီအတြက္ ဝန္ႀကီးခ်ဳပ္႐ုံးမွာ သီးျခားရန္ပုံေငြ သတ္မွတ္ထားေၾကာင္း၊ ဘာသာေရးဆိုင္ရာ ဖြံ႕ၿဖိဳးတိုးတက္ေရး လုပ္ငန္းမ်ားသာမက အျခားဘာသာ ကိုးကြယ္ယုံၾကည္သူမ်ားကို အထူးအကူအညီမ်ား ေပးအပ္ခဲ့ေၾကာင္း၊ ႏိုင္ငံအတြင္း အစၥလာမ္ဘာသာကိုသာမက ကိုးကြယ္ရာဘာသာမ်ိဳးမ်ိဳးအတြက္ ဝတ္ျပဳဆုေတာင္းရာေနရာမ်ား ထူေထာင္ေနျခင္းတဲ့ ပတ္သက္ၿပီး တကယ္ေတာ့ စားဝတ္ေနေရးအတြက္ အသုံးခ် ပညာေရး လိုအပ္ေၾကာင္း၊ လူတိုင္းလူတိုင္း ကေလးဘဝတည္းက ဘာသာေရးကို သင္ယူလို႔ ရပါေၾကာင္း။ ဘာသာကိုးကြယ္ရာတို႔ရဲ႕ သြန္သင္ခ်က္မ်ားကို လိုက္နာျခင္းအားျဖင့္ ဘာသာေရး ထုံးတမ္းစဥ္လာမ်ားနဲ႔အညီ လိုအပ္ခ်က္မ်ားကို သင္ယူႏိုင္ပုံကို ဘဂၤလားေဒ့ရွ္ဝန္ႀကီးခ်ဴပ္ ရွိတ္ဟာစီနာက အက်ယ္တဝံ့ ေျပာဆိုပါတယ္။
ယူနက္စကိုက ကမာၻ႔အေမြအႏွစ္ေနရာတစ္ခုတစ္အျဖစ္ သတ္မွတ္ထားတဲ့ ဗုဒၶျမတ္စြာဘုရား ဖြားျမင္ရာ လုမၺိနီေဒသဟာ ကမာၻအရပ္ရပ္မွ ဗုဒၶဘာသာဝင္မ်ားနဲ႔ ၿငိမ္းခ်မ္းေရးကို ျမတ္ႏိုးသူမ်ားအတြက္ ဘူမိနက္သန္ ေနရာ တစ္ခုျဖစ္ပါတယ္။ ဗုဒၶျမတ္စြာဘုရားဟာ ဘီစီ ၆၂၃ တြင္ ဖြားျမင္ေတာ္မူၿပီး ပကတိၿငိမ္းခ်မ္းေရးနဲ႔ မဂၢင္ေဒသနာေတာ္ကို ေဟာၾကားခဲ့ပါတယ္၊ ဗုဒၶဘာသာသက္ဝင္ယုံၾကည္သူမ်ားအတြက္ အထြတ္အျမတ္ထားအပ္တဲ့ ေနရာတစ္ခုအျဖစ္ ေလးစားၾကည္ညိဳၾကပါတယ္။
အဲဒီ ေမ-၂၅ ရက္ “ဘင္ဇင္းနက္စ္_စတင္းဒတ္” ရဲ႕ အျခားသတင္းတစ္ပုဒ္မွာေတာ့ အိႏၵိယအေရွ႕ေျမာက္ပိုင္း ျပည္နယ္မ်ားမွာ ၿငိမ္းခ်မ္းေရးကို အားျဖည့္ေပးတဲ့အေနနဲ႔ ဘဂၤလားေဒ့ရွ္ႏိုင္ငံအတြင္းျဖတ္သန္းေနတဲ့ လက္နက္ေမွာင္ခို လမ္းေၾကာင္းမ်ားကို ပိတ္ပစ္ရန္ မိမိတို႔အစိုးရအေနနဲ႔ သိသိသာသာ လုပ္ေဆာင္ခဲ့ေၾကာင္း ဝန္ႀကီးခ်ဳပ္ ရွိတ္ဟာစီနာက ေျပာဆိုတယ္လို႔ ေရးသားထားပါတယ္။ အဝါမီလိဂ္ပါတီ အာဏာရလာကတည္းက ဘဂၤလားေဒ့ရွ္ႏိုင္ငံျဖတ္ လက္နက္ေမွာင္ခိုလမ္းေၾကာင္းေတြကို ပိတ္ပစ္လွ်က္ရွိေၾကာင္း ဒါကာၿမိဳ႕ေဟာင္း “ဘန္ဂါဘဇား_နာဂါ” ၁၀-ထပ္အေဆာက္အအုံ လက္ကားေဈးသစ္ အပါအဝင္၊ ဖြံ႕ၿဖိဳးတိုးတက္ေရးဆိုင္ရာ ပေရာဂ်က္မ်ား ဖြင့္ပြဲအခန္းအနားမွာ ရွိတ္ဟာစီနာက ေျပာၾကားျခင္း ျဖစ္ေၾကာင္း သိရွိရပါတယ္။
အိႏၵိယအေရွ႕ဖ်ား အာသံ လြတ္ေျမာက္ေရးတပ္ဦး (ULFA) အပါအဝင္ ခြဲထြက္ေရးအဖြဲ႕ အသီးသီးတို႔ထံ လက္နက္ေမွာင္ခိုတင္သြင္းမႈကို တားဆီးရာမွာ အဝါမီလိဂ္အစိုးရ ႀကိဳးပမ္းမႈရဲ႕ အက်ိဳးသက္ေရာက္မႈကို ဝန္ႀကီးခ်ဳပ္က အက်ယ္တဝံ့ ေျပာျပပါတယ္။ ရလဒ္အေနနဲ႔ အိႏၵိယႏိုင္ငံရဲ႕ “ညီအစ္မ ခုနစ္ေဖာ္” ေခၚ အေရွ႕ေျမာက္ပိုင္း ေဝးလံေခါင္ဖ်ားျပယ္နယ္ ၇-ခုမွာ ၿငိမ္းခ်မ္းေရး စိုးမိုးႏိုင္ခဲ့ေၾကာင္း၊ အဝါမီလိဂ္က လုပ္ေဆာင္ခဲ့ၿပီး သိသာထင္ရွားတဲ့ ေအာင္ျမင္မႈတစ္ခုျဖစ္ေၾကာင္း ရွိတ္ဟာစီနာက သူ႔ရဲ႕ ဖြင့္ပြဲမိန႔္ခြန္းမွာ ထည့္သြင္းေျပာဆိုပါတယ္။ အာသံျပည္နယ္ဟာ အိႏၵိယ ညီအစ္မ ၇-ေဖာ္အနက္ အက်ယ္အဝန္းအရေရာ လူဦးေရအရပါ ဒုတိယအႀကီးဆုံး ျပည္နယ္ျဖစ္ပါတယ္။ ျမန္မာႏိုင္ငံ ရန္ကုန္တိုင္းနီးပါး က်ယ္ဝန္းတဲ့ ျပည္နယ္ဟာ အရည္အေသြးေကာင္း ပိုး ထည္နဲ႔ လဖက္ေျခာက္ထြက္ရွိရာေဒသအျဖစ္ ထင္ရွားပါတယ္။ ေျမာက္ဖက္မွာ ဘူတန္ႏိုင္ငံ၊ က်န္ညီအစ္မ ၇-ေဖာ္ ျပည္နယ္ ၄-ခုတို႔နဲ႔ ထိစပ္ေနပါတယ္။ အဲဒီအထဲမွာ ျမန္မာႏိုင္ငံ ကခ်င္ျပည္နယ္နဲ႔ ထိစပ္ေနတဲ့ နာဂျပည္နယ္၊ တ႐ုတ္-အိႏၵိယ နယ္ျခားပိုင္နက္ အျငင္းပြားေနတဲ့ အာ႐ူနာခ်ယ္ပရာဒက္ရွ္ျပည္နယ္တို႔လည္း ပါဝင္ပါတယ္။ အထူးသျဖင့္ အာသံျပည္နယ္ အေနာက္ပိုင္း “ဆီလီဂူရီ_စႀကႍလမ္း” ေခၚ “ၾကက္လည္ေခ်ာင္း စႀကႍ” ဩဟာ နီေပါ-ဘူတန္-ဘဂၤလားေဒ့ ၃-ႏိုင္ငံႀတိဂံေဒသနဲ႔ ကပ္လွ်က္တည္ရွိေနတဲ့အတြက္ ပထဝီႏိုင္ငံေရး မဟာဗ်ဴဟာအရ အလြန္အေရးပါပါတယ္။
“ညီၫြတ္ေသာ အာသံ လြတ္ေျမာက္ေရး တပ္ဦး” ေခၚ ULFA ဟာ အဲ့ဒီျပည္နယ္မွာ လႈပ္ရွားေနတဲ့ စစ္ေသြးႂကြ အဖြဲ႕အစည္းတစ္ခုျဖစ္ၿပီး အိႏၵိယအစိုးရကို လက္နက္ကိုင္ ေတာ္လွန္ျခင္းအားျဖင့္ အာသံျပည္သူမ်ားအတြက္ လြတ္လပ္ေသာအခ်ဳပ္အျခာအာဏာပိုင္ ႏိုင္ငံထူေထာင္ေရးကို ႀကိဳးပမ္းေနပါတယ္။ အိႏၵိယႏိုင္ငံရဲ႕ ညီအစ္မ ခုနစ္ေဖာ္ ေခၚ အေရွ႕ေျမာက္ ေဝလံေခါင္ဖ်ား ကုန္းတြင္းပိတ္ျပည္မ်ားမွာ မီဇိုရမ္၊ အာသံ၊ မဏိပူရ၊ မီဂါလာယာ၊ ႀတိပူရာ၊ အာ႐ူနာခ်ယ္ပရာဒက္ရွ္နဲ႔ နာဂလန္းတို႔ျဖစ္ပါတယ္။ အိႏၵိယတိုက္ငယ္ အေနာက္ဖက္က်က်မွာ ေရာက္ရွိေနတဲ့ နယူးေဒလီအစိုးရအတြက္ အဲ့ဒီျပည္နယ္မ်ားကို ဆက္သြယ္ေထာက္ပံ့ ႏိုင္ဖို႔အတြက္ ၄၈-မိုင္ အရွည္၊ ၁၂ မွ ၁၄ မိုင္သာ အမ်ားဆုံးက်ယ္ဝန္းတဲ့ အာသံျပည္နယ္ “ၾကက္လည္ေခ်ာင္း စႀကႍ” ကို မျဖစ္သန္းပဲ မျဖစ္ႏိုင္ပါဘူး။ ၁၉၉၀ ခုႏွစ္ အိႏၵိယအစိုးရဟာ ULFA ကို အၾကမ္းဖက္အဖြဲ႕အစည္းအျဖစ္ သတ္မွတ္ၿပီး တားဆီးပိတ္ပင္မႈမ်ား ျပဳလုပ္ေနပါတယ္။
(LDC ေခၚ ကမာၻ႔ဖြံ႕ၿဖိဳးတိုးတက္မႈ အနည္းဆုံးတိုင္းျပည္မ်ားအနက္ အာရွတိုက္မွာ ျမန္မာ၊ နီေပါ၊ ဘဂၤလား ေဒ့ရွ္၊ ကေမာၻဒီးယား၊ ေလာႏိုင္ငံတို႔ ပါဝင္ပါတယ္။ ၄၅-ခု ရွိတဲ့ အဲ့ဒီႏိုင္ငံမ်ားမွာ ဘုံတူညီတဲ့ အခ်က္ ၅-ခ်က္ ရွိတယ္လို႔ ဟားဘတ္တကၠသိုလ္က ေျပာခဲ့ဖူးပါတယ္။
(၁) ကုန္းတြင္းပိတ္ သို႔မဟုတ္ ဆင္းရဲမြဲေတႏႈန္း ျမင့္မားျခင္း (၂) စိုက္ပ်ိဳးေရး သို႔မဟုတ္ သယံဇာတမ်ားကို ထုတ္ေရာင္းျခင္းမ်ိဳးလို အေပၚမွာသာ ႏိုင္ငံအဓိကရပ္တည္ေနၿပီး အျခား အမယ္စုံ စီးပြားေရးလုပ္ငန္းမရွိျခင္း၊ (၃) ႏိုင္ငံသား အမ်ားစုတို႔ဟာ ဗဟုဝါဒ ေခၚ မတူညီတဲ့ ဘာသာ-လူမ်ိဳးစုမ်ား ေရာေႏွာေနထိုင္တဲ့ ပုံစံမ်ိဳးနဲ႔ အသားတက် မျဖစ္ျခင္း၊ (၄) တိုင္းရင္းသား မ်ိဳးႏြယ္စု အလြန္မ်ားျခင္း (၅) ဒီမိုကေရစီ မဟုတ္သည့္ တစ္ပါတီအစိုးရ အုပ္ခ်ဳပ္တဲ့ အိမ္နီးခ်င္းတိုင္းျပည္က အင္အားႀကီးႏိုင္ငံအျဖစ္ ကပ္လွ်က္တည္ရွိျခင္းတို႔ ျဖစ္ေၾကာင္း၊ အဲဒီ LDC တိုင္းျပည္ေတြဟာ အာဏာသိမ္းျခင္းတို႔လို ဒီမိုကေရစီ ေနာက္ေၾကာင္းျပန္လွည့္ျခင္းမ်ိဳးကို မၾကာခဏဦးတည္သြားတတ္ၿပီး ျပည္တြင္းစစ္ သို႔မဟုတ္ ႏိုင္ငံေရး လုံၿခဳံေရး မတည္ၿငိမ္ျခင္းမ်ားကို ေတြ႕ရတတ္တယ္လို႔ ေျပာဆိုပါတယ္။
ကိုင္း .. ဟားဘတ္ေျပာတဲ့ (၅) ခ်က္မွာ ကြၽန္ေတာ္တို႔ ဘာေမးရွားက ဘယ္ႏွစ္ခ်က္နဲ႔ ကိုက္ညီေနပါသလဲ။ ။ သတင္းဘာသာျပန္သူ၏ သုံးသပ္ခ်က္ျဖစ္သည္။)
(The Business Standard., 25 May 2024, “Temple to be built in Nepal on behalf of Bangladesh at Buddha's birthplace: PM” ႏွင့္ အျခားဆက္စပ္သတင္းမ်ားကို ဆီေလ်ာ္ ေအာင္ ဘာသာျပန္ဆို စုစည္းသည္)