တရုတ်ဟာ အိမ်နီးချင်းနိုင်ငံတွေကို အနိုင်ကျင့်နေသူဖြစ်တယ်လို့ အမေရိကန် ဒုသမ္မတပြော
1144
ရောင်နီ (NP News) - သြဂုတ် ၂၆
အမေရိကန်ဒုသမ္မတ Kamala Harris က တရုတ်ဟာ ၎င်းရဲ့ အရှေ့တောင်ရှအိမ်နီးချင်း နိုင်ငံများအပေါ် အနိုင်ကျင့်နေသူ ဖြစ်တယ်လို့ ဗုဒ္ဓဟူးနေ့ (သြဂုတ် ၂၅) က သူမရဲ့ အာဆီယံ ခရီးစဉ်အတွင်း ပြောဆိုခဲ့ပြီး ဒါဟာ တရုတ်ရဲ့တိုးတက်နေတဲ့ စီးပွားရေးနဲ့ စစ်ရေး လွှမ်းမိုးမှုကို ရယူရန်အတွက် ဒေသတွင်း မိတ်ဖက်နိုင်ငံများသို့ အလည်အပတ် ဝင်ရောက်ရန် ကြိုးပမ်းနေစဉ် ၂ ရက်အတွင်း ပေကျင်းကို ဒုတိယအကြိမ် တိုက်ခိုက်ခြင်းပဲ ဖြစ်ပါတယ်။
တရုတ်နိုင်ငံခြားရေးဝန်ကြီးက ဗုဒ္ဓဟူးနေ့မှာ ပြန်လည်ချေပကာ အမေရိကန်ဟာ ဒေသတွင်းရေးရာများမှာ ဝင်ရောက်စွက်ဖက်ခြင်းနဲ့ ငြိမ်းချမ်းရေးကို အနှောင့်အယှက်ပေးနေတယ်လို့ စွပ်စွဲခဲ့ပါတယ်။ ယမန်နေ့ အစောပိုင်းက ထုတ်လွှင့်တဲ့ တရုတ်အစိုးရမီဒီယာမှာ Harris ဟာ တောင်တရုတ်ပင်လယ်တွင်း တရားမဝင် ဝင်ရောက်စွတ်ဖက်မှုများ ပြုလုပ်ရာမှာ ပေကျင်းမှ အကျပ်ကိုင်ခြင်းနဲ့ ခြိမ်းခြောက်ခြင်း စတဲ့လုပ်ရပ်များ ပြုလုပ်ခဲ့တယ်လို့ဆိုကာ တရုတ်နဲ့ အရှေ့တောင်အာရှနိုင်ငံများအကြား ဆက်ဆံရေး သွေးကွဲစေရန် ကြိုးပမ်းခဲ့တယ်လို့ ဆိုခဲ့ပါတယ်။ Harris ဟာ ဗုဒ္ဓဟူးနေ့က ဗီယက်နမ်နိုင်ငံ ဟနွိုင်းမှာ ဆွေးနွေးစကားပြောခဲ့စဉ် တရုတ်ရဲ့ပင်လယ်ပြင်ပိုင်ဆိုင်မှုများနဲ့ ပတ်သက်ပြီး ဖိအားပေးရန်လိုအပ်ကြောင်းနဲ့ တောင်တရုတ်ပင်လယ်အတွင်း ပေကျင်းရဲ့ စီးပွားရေးများ ပိုမိုခိုင်မာအားကောင်းလာခြင်းကြောင့် ပင်လယ်ရေကြောင်း လုံခြုံရေး မြှင့်တင်ခြင်းအပါအဝင် အဓိကကျတဲ့ကဏ္ဍများမှာ ဗီယက်နမ်ကို ထောက်ပံ့ပေးနိုင်ဖို့ ကမ်းလှမ်းခဲ့ပါတယ်။ ပင်လယ်ပြင်ဆိုင်ရာ ကုလသမဂ္ဂသဘောတူညီချက်အား လိုက်နာရန်၊ ပေကျင်းအား ဖိအားပေးရန်အတွက် နည်းလမ်းများရှာဖွေရန်နဲ့ ၎င်းရဲ့အနိုင်ကျင့်မှုနဲ့ ပင်လယ်ရေကြောင်း အလွန်အကျွံတောင်းဆိုမှုများကို စိန်ခေါ်ဖို့ လိုအပ်ကြောင်း သူမက ဗီယက်နမ်သမ္မတ Nguyen Xuan Phuc နဲ့ တွေ့ဆုံစဉ်က ပြောကြားခဲ့ပါတယ်။ Harris ဟာ အမေရိကန်စစ်သင်္ဘောများ၊ လေယာဉ်တင်သင်္ဘောများ၊ ကာကွယ်ဆေးများနဲ့ အကူအညီများဖြင့် ဗီယက်နမ်ကို ထပ်မံလာရောက်လည်ပတ်လိုကြောင်းလည်း ကမ်းလှမ်းခဲ့ပါတယ်။ Harris ရဲ့ စင်္ကာပူနဲ့ ဗီယက်နမ်သို့ ခုနစ်ရက်တာခရီးဟာ ကမ္ဘာလုံးဆိုင်ရာ တရုတ်ကို တိုက်ခိုက်ရန်အတွက် အမေရိကန်မဟာဗျူဟာရဲ့ အစိတ်အပိုင်းတစ်ခုပဲ ဖြစ်ပါတယ်။
တရုတ်၊ ဗီယက်နမ်၊ ဘရူနိုင်း၊ မလေးရှား၊ ဖိလစ်ပိုင်နဲ့ ထိုင်ဝမ်တို့ဟာ တောင်တရုတ်ပင်လယ်ရဲ့ အစိတ်အပိုင်းများကို ပိုင်ဆိုင်ထားပြီး ယင်းတို့မှာ အရေးပါသော သင်္ဘောလမ်းကြောင်းများ၊ ဓာတ်ငွေ့သိုက်များနဲ့ ကြွယ်ဝတဲ့ ငါးဖမ်းမြေများ ပါဝင်ပါတယ်။ တရုတ်ဟာ တောင်တရုတ် ပင်လယ်ရှိ ကျွန်းတုများပေါ်မှာ စစ်တပ်ကင်းစခန်းများ တည်ဆောက်ထားပြီး ၎င်းရဲ့ အချုပ်အခြာ အာဏာပိုင်တယ်လို့ ယူဆသောအရာများမှတစ်ဆင့် ရွက်လွှင့်တဲ့ နိုင်ငံခြားစစ်သင်္ဘောများကို ဆန့်ကျင်ကန့်ကွက်မှုများ ပြုလုပ်ခဲ့ပါတယ်။ ယင်းအတွက် အမေရိကန်ရေတပ်ဟာ တရုတ်ကို ကန့်ကွက်တဲ့အနေနဲ့ အငြင်းပွားဖွယ် ရေပိုင်နက်မှာ ငြိမ်းချမ်းမှုနဲ့ တည်ငြိမ်ရေးမြှင့်တင်ရန် မကူညီနိုင်ကြောင်း ဆိုခဲ့ပါတယ်။
အမေရိကန်အစိုးရဟာ တရုတ်နဲ့ ယှဉ်ပြိုင်ခြင်းကို ရာစုနှစ်ရဲ့အကြီးမားဆုံး ပထဝီနိုင်ငံရေး စမ်းသပ်မှုလို့ ခေါ်ဆိုခဲ့ပြီး ဇူလိုင်လနှောင်းပိုင်းမှစ အရှေ့တောင်အာရှကို ကာကွယ်ရေး ဝန်ကြီးလွိုက်အော်စတင် အပါအဝင် ထိပ်တန်းအုပ်ချုပ်ရေးအရာရှိများရဲ့ အလည်အပတ် လာရောက်မှုများ ဆက်တိုက်တွေ့လာခဲ့ရပါတယ်။