DPLA ၊ MDY-PDF နှင့် ရွာငံ PDF တို့မှ အဖွဲ့ဝင် (၂၁) ဦး တပ်မတော်ထံ ထပ်မံအလင်းဝင်ရောက်
1326
ချယ်ရီ (NP News) - ဇူလိုင် (၃၀)
ယမန်နေ့ (ဇူလိုင်လ ၂၉ ရက်)က DPLA အဖွဲ့ဝင်(၄)ဦးအပါဝင် MDY-PDF နှင့် ရွာငံ PDF တို့မှ အဖွဲ့ဝင် (၂၁) ဦး တပ်မတော်ထံ ထပ်မံအလင်းဝင်ရောက်လာကြောင်း နိုင်ငံတော်စီမံအုပ်ချုပ်ရေးကောင်စီ၏ ထုတ်ပြန်ချက်အရ သိရသည်။
တပ်မတော်အနေဖြင့် နိုင်ငံတော်တည်ငြိမ်အေးချမ်းရေးကို အစဉ်တစ်စိုက် အလေးထား ဆောင်ရွက်လျက်ရှိပြီး လက်နက်ကိုင် အကြမ်းဖက်အဖွဲ့ဝင်များအနေဖြင့်လည်း ငြိမ်းချမ်းရေးလုပ်ငန်းစဉ်များအပေါ် နားလည်သဘောပေါက်လာကြကာ နီးစပ်ရာနယ်မြေခံ တပ်စခန်းများ နှင့် လုံခြုံရေးရဲကင်းများတွင် လာရောက်သတင်းပို့၍ ဥပဒေဘောင်အတွင်းသို့ ပြန်လည်ဝင်ရောက်လျက်ရှိကြောင်း နစကမှ ထုတ်ပြန်ထားသည်။
ထိုသို့ ဥပဒေဘောင်အတွင်းသို့ ပြန်လည်ဝင်ရောက်မှုများရှိရာ ယမန်နေ့ (ဇူလိုင်လ ၂၉ ရက်)က အရှေ့ပိုင်းတိုင်းစစ်ဌာနချုပ်၊ သံလွင်ခန်းမ၌ DPLA အဖွဲ့ဝင် အမျိုးသား(၄)ဦး၊ အမျိုးသမီး(၂)ဦး၊ MDY-PDF အဖွဲ့မှ အမျိုးသား(၇)ဦးနှင့် အမျိုးသမီး(၂)ဦး၊ ရွာငံ PDF အဖွဲ့မှ အမျိုးသား(၃)ဦးနှင့် အမျိုးသမီး(၃)ဦး စုစုပေါင်း (၂၁) ဦးတို့သည် Zoraki အမျိုးအစားပစ္စတို (၁)လက်နှင့်အတူ ပြန်လည်ဝင်ရောက် လာကြရာ ၎င်းတို့ကို တာဝန်ရှိသူများက ပြန်လည်လက်ခံပြီး ချီးမြှင့်ငွေများနှင့် ထောက်ပံ့ပစ္စည်းများပေးအပ်ကာ မိဘအုပ်ထိန်းသူများထံသို့ စနစ်တကျ ပြန်လည်လွှဲပြောင်း အပ်နှံပေးခဲ့ကြောင်း နစကမှ ထုတ်ပြန်ထားသည်။
ဥပဒေဘောင်အတွင်း ဝင်ရောက်လာသူများ၏ ပြောကြားချက်များအရ ၎င်းတို့သည် အေးချမ်းစွာ နေထိုင်လုပ်ကိုင်စားသောက်သူများ ဖြစ်ပြီး အကြမ်းဖက်သမားများက ၎င်းတို့အဖွဲ့သို့ ဝင်ရောက်ရန် မိဘဆွေမျိုးများနှင့် အကျပ်ကိုင်ဖိအားပေး၍ အတင်းအဓမ္မ လူသစ်စုဆောင်းခြင်းကို ခံခဲ့ရကြောင်း၊ မိသားစုများနှင့်အတူ ယခင်ကဲ့သို့ နွေးနွေးထွေးထွေး ပြန်လည်နေထိုင်လိုခြင်း၊ နိုင်ငံတော်အစိုးရ၏ ငြိမ်းချမ်းရေးလုပ်ငန်းစဉ်များအပေါ် နားလည်သဘောပေါက်လာခြင်းတို့ကြောင့် ယခုကဲ့သို့ ယင်းလက်နက်ကိုင်အဖွဲ့ကို ပြန်လည်စွန့်ခွာကာ နီးစပ်ရာတပ်မတော် စခန်းများမှတဆင့် ဥပဒေဘောင်အတွင်းကို ပြန်လည်ဝင်ရောက်လာခြင်းဖြစ်ကြောင်း သိရသည်။
ထိုသို့ နိုင်ငံတော်အစိုးရအနေဖြင့် ဥပဒေဘောင်အတွင်းသို့ ပြန်လည်ဝင်ရောက်ရန် ဆန္ဒရှိသူများ ကျန်ရှိနေသေးကြောင်းသိရှိရပြီး ဥပဒေဘောင်အတွင်း ပြန်လည်ဝင်ရောက်လိုသူများအနေဖြင့် နီးစပ်ရာခရိုင်၊ မြို့နယ်စီမံအုပ်ချုပ်ရေးအဖွဲ့များ၊ တပ်စခန်းများနှင့် ရဲစခန်းများသို့ အမြန်ဆက်သွယ် သတင်းပေးပို့လာပါက ကြိုဆိုလက်ခံပေးသွားမည်ဖြစ်ကြောင်းနှင့် ယူဆောင်လာသော လက်နက်၊ ခဲယမ်းများအတွက် ဆုကြေးငွေများအား ထိုက်တန်စွာ ပေးအပ်သွားမည်ဖြစ်ကြောင်း နစကမှ ထုတ်ပြန်ထားသည်။
အလားတူ ပြီးခဲ့သည့် ဇူလိုင် (၁၇) ရက်မှ (၂၈) ရက်အထိ TNLA အဖွဲ့ဝင်(၄)ဦး ၊ DPLA အဖွဲ့ဝင် (၄၁) ဦး နှင့် MDY-PDF အဖွဲ့ဝင် (၅၂) ဦး စုစုပေါင်း (၉၇) ဦးတို့သည် လက်နက်မျိုးစုံ (၁၃) လက်၊ ကျည်မျိုးစုံ (၁,၅၁၅) တောင့်၊ ကျည်အိမ် (၁၂) ခုနှင့် အတူ ပြန်လည်ဝင်ရောက်လာ ခဲ့ကြကြောင်း သိရသည်။
Zawgyi Version:
DPLA ၊ MDY-PDF ႏွင့္ ႐ြာငံ PDF တို႔မွ အဖြဲ႕ဝင္ (၂၁) ဦး တပ္မေတာ္ထံ ထပ္မံအလင္းဝင္ေရာက္
ခ်ယ္ရီ (NP News) - ဇူလိုင္ (၃၀)
ယမန္ေန႔ (ဇူလိုင္လ ၂၉ ရက္)က DPLA အဖြဲ႕ဝင္(၄)ဦးအပါဝင္ MDY-PDF ႏွင့္ ႐ြာငံ PDF တို႔မွ အဖြဲ႕ဝင္ (၂၁) ဦး တပ္မေတာ္ထံ ထပ္မံအလင္းဝင္ေရာက္လာေၾကာင္း ႏိုင္ငံေတာ္စီမံအုပ္ခ်ဳပ္ေရးေကာင္စီ၏ ထုတ္ျပန္ခ်က္အရ သိရသည္။
တပ္မေတာ္အေနျဖင့္ ႏိုင္ငံေတာ္တည္ၿငိမ္ေအးခ်မ္းေရးကို အစဥ္တစ္စိုက္ အေလးထား ေဆာင္႐ြက္လ်က္ရွိၿပီး လက္နက္ကိုင္ အၾကမ္းဖက္အဖြဲ႕ဝင္မ်ားအေနျဖင့္လည္း ၿငိမ္းခ်မ္းေရးလုပ္ငန္းစဥ္မ်ားအေပၚ နားလည္သေဘာေပါက္လာၾကကာ နီးစပ္ရာနယ္ေျမခံ တပ္စခန္းမ်ား ႏွင့္ လုံၿခဳံေရးရဲကင္းမ်ားတြင္ လာေရာက္သတင္းပို႔၍ ဥပေဒေဘာင္အတြင္းသို႔ ျပန္လည္ဝင္ေရာက္လ်က္ရွိေၾကာင္း နစကမွ ထုတ္ျပန္ထားသည္။
ထိုသို႔ ဥပေဒေဘာင္အတြင္းသို႔ ျပန္လည္ဝင္ေရာက္မႈမ်ားရွိရာ ယမန္ေန႔ (ဇူလိုင္လ ၂၉ ရက္)က အေရွ႕ပိုင္းတိုင္းစစ္ဌာနခ်ဳပ္၊ သံလြင္ခန္းမ၌ DPLA အဖြဲ႕ဝင္ အမ်ိဳးသား(၄)ဦး၊ အမ်ိဳးသမီး(၂)ဦး၊ MDY-PDF အဖြဲ႕မွ အမ်ိဳးသား(၇)ဦးႏွင့္ အမ်ိဳးသမီး(၂)ဦး၊ ႐ြာငံ PDF အဖြဲ႕မွ အမ်ိဳးသား(၃)ဦးႏွင့္ အမ်ိဳးသမီး(၃)ဦး စုစုေပါင္း (၂၁) ဦးတို႔သည္ Zoraki အမ်ိဳးအစားပစၥတို (၁)လက္ႏွင့္အတူ ျပန္လည္ဝင္ေရာက္ လာၾကရာ ၎တို႔ကို တာဝန္ရွိသူမ်ားက ျပန္လည္လက္ခံၿပီး ခ်ီးျမႇင့္ေငြမ်ားႏွင့္ ေထာက္ပံ့ပစၥည္းမ်ားေပးအပ္ကာ မိဘအုပ္ထိန္းသူမ်ားထံသို႔ စနစ္တက် ျပန္လည္လႊဲေျပာင္း အပ္ႏွံေပးခဲ့ေၾကာင္း နစကမွ ထုတ္ျပန္ထားသည္။
ဥပေဒေဘာင္အတြင္း ဝင္ေရာက္လာသူမ်ား၏ ေျပာၾကားခ်က္မ်ားအရ ၎တို႔သည္ ေအးခ်မ္းစြာ ေနထိုင္လုပ္ကိုင္စားေသာက္သူမ်ား ျဖစ္ၿပီး အၾကမ္းဖက္သမားမ်ားက ၎တို႔အဖြဲ႕သို႔ ဝင္ေရာက္ရန္ မိဘေဆြမ်ိဳးမ်ားႏွင့္ အက်ပ္ကိုင္ဖိအားေပး၍ အတင္းအဓမၼ လူသစ္စုေဆာင္းျခင္းကို ခံခဲ့ရေၾကာင္း၊ မိသားစုမ်ားႏွင့္အတူ ယခင္ကဲ့သို႔ ေႏြးေႏြးေထြးေထြး ျပန္လည္ေနထိုင္လိုျခင္း၊ ႏိုင္ငံေတာ္အစိုးရ၏ ၿငိမ္းခ်မ္းေရးလုပ္ငန္းစဥ္မ်ားအေပၚ နားလည္သေဘာေပါက္လာျခင္းတို႔ေၾကာင့္ ယခုကဲ့သို႔ ယင္းလက္နက္ကိုင္အဖြဲ႕ကို ျပန္လည္စြန႔္ခြာကာ နီးစပ္ရာတပ္မေတာ္ စခန္းမ်ားမွတဆင့္ ဥပေဒေဘာင္အတြင္းကို ျပန္လည္ဝင္ေရာက္လာျခင္းျဖစ္ေၾကာင္း သိရသည္။
ထိုသို႔ ႏိုင္ငံေတာ္အစိုးရအေနျဖင့္ ဥပေဒေဘာင္အတြင္းသို႔ ျပန္လည္ဝင္ေရာက္ရန္ ဆႏၵရွိသူမ်ား က်န္ရွိေနေသးေၾကာင္းသိရွိရၿပီး ဥပေဒေဘာင္အတြင္း ျပန္လည္ဝင္ေရာက္လိုသူမ်ားအေနျဖင့္ နီးစပ္ရာခ႐ိုင္၊ ၿမိဳ႕နယ္စီမံအုပ္ခ်ဳပ္ေရးအဖြဲ႕မ်ား၊ တပ္စခန္းမ်ားႏွင့္ ရဲစခန္းမ်ားသို႔ အျမန္ဆက္သြယ္ သတင္းေပးပို႔လာပါက ႀကိဳဆိုလက္ခံေပးသြားမည္ျဖစ္ေၾကာင္းႏွင့္ ယူေဆာင္လာေသာ လက္နက္၊ ခဲယမ္းမ်ားအတြက္ ဆုေၾကးေငြမ်ားအား ထိုက္တန္စြာ ေပးအပ္သြားမည္ျဖစ္ေၾကာင္း နစကမွ ထုတ္ျပန္ထားသည္။
အလားတူ ၿပီးခဲ့သည့္ ဇူလိုင္ (၁၇) ရက္မွ (၂၈) ရက္အထိ TNLA အဖြဲ႕ဝင္(၄)ဦး ၊ DPLA အဖြဲ႕ဝင္ (၄၁) ဦး ႏွင့္ MDY-PDF အဖြဲ႕ဝင္ (၅၂) ဦး စုစုေပါင္း (၉၇) ဦးတို႔သည္ လက္နက္မ်ိဳးစုံ (၁၃) လက္၊ က်ည္မ်ိဳးစုံ (၁,၅၁၅) ေတာင့္၊ က်ည္အိမ္ (၁၂) ခုႏွင့္ အတူ ျပန္လည္ဝင္ေရာက္လာ ခဲ့ၾကေၾကာင္း သိရသည္။