နှစ် (၈၀) ပြည့် အောင်ပွဲနေ့မှာ တွေ့ရနိုင်တဲ့ တရုတ်ရဲ့ ခေတ်မီတိုးတက်လာတဲ့ စစ်အင်အား

30/08/2025 21:00

 1224

တင်ဇာ (NP News) - သြဂုတ် ၃ဝ

တရုတ်နိုင်ငံဟာ သူရဲ့စစ်တပ်ကို ခေတ်မီတဲ့တိုက်ခိုက်ရေးတပ်ဖွဲ့တစ်ခုဖြစ်လာဖို့ ရည်မှန်းချက် တစ်ခုနဲ့ ဆောင်ရွက်နေပါတယ်။ ဆယ်စုနှစ်တစ်ခု လောက်အကြာက တရုတ်နိုင်ငံဟာ ဒုတိယကမ္ဘာစစ်မှာ ဂျပန်ကို အောင်ပွဲခံခဲ့ တဲ့ နှစ် (၇၀)ပြည့်အထိမ်း အမှတ်အနေနဲ့ စစ်ရေးပြအခမ်းအနားတစ်ခု ကျင်းပခဲ့ပါတယ်။ အဲဒီအချိန်တုန်းက တရုတ်ပြည် သူ့လွတ် မြောက်ရေးတပ်တော် (PLA) ဟာ အိန္ဒိယ ပစိဖိတ်ဒေသမှာရှိတဲ့ အမေရိကန်စစ်တပ်ကို ယှဉ်နိုင်စွမ်းမ ရှိဘူးလို့ ယူဆခဲ့ကြပါတယ်။ ဒါပေမဲ့ ရည်မှန်းချက်ကြီးတဲ့ ခေတ်မီရေးကြိုးပမ်းမှုတွေ ဆက်တိုက်လုပ်ဆောင် လာတာနဲ့အမျှ အဲဒီ အနေအထားဟာ ပြောင်းလဲလာပါတယ်။ တရုတ်နိုင်ငံဟာ PLA အတွက် ကျယ်ပြန့် တဲ့ရည်မှန်းချက်သုံးခုကို ချမှတ်ထား ပါတယ်။ ပထမ တစ်ခုက (၂၀၂၇) ခုနှစ်မှာ သတင်းအချက်အလက် စစ်ဆင်ရေး၊ စစ်ရေးဆိုင်ရာစက်မှုလုပ်ငန်းနဲ့ မဟာဗျူ ဟာမြောက်စီမံကိန်းချမှတ်မှုတွေမှာ သိသာထင်ရှားတဲ့တိုးတက်မှုရရှိဖို့ဖြစ်ပါတယ်။ နောက်တစ်ခုက (၂၀၃၅) ခုနှစ်မှာ ခေတ်မီရေးကို အခြေခံအားဖြင့် ပြီးမြောက်အောင် ဆောင်ရွက်ဖို့ဖြစ်ပြီး နောက်ဆုံး တစ်ခုကတော့ ကွန်မြူနစ်ပါတီ အာဏာရလာပြီး နောက် နှစ် (၁၀ဝ) ပြည့်တဲ့ (၂၀၄၉) ခုနှစ်မှာ PLA ကို ကမ္ဘာ့အဆင့်မီဖြစ်အောင်လုပ်ဆောင်ဖို့ဖြစ်ပါ တယ်။ အစောပိုင်းမှာတော့ ဒီရည်မှန်းချက်တွေဟာ ဝိုးတဝါးဖြစ်နေပေမယ့် (၂၀၁၇) ခုနှစ်မှာ သမ္မတ ရှီကျင့်ဖျင်ချ မှတ်ခဲ့တဲ့ အဆုံးစွန် (၂၀၄၉) ပန်းတိုင်အရ တရုတ်နိုင်ငံဟာ အမေရိကန်နဲ့ ရင်ပေါင်တန်းနိုင် ဖို့ဖြစ်တယ်ဆိုတာကိုတော့ အများစုက နားလည်ထား ကြပါတယ်။ လာမယ့် စက်တင်ဘာလမှာ ပေကျင်းက အောင်ပွဲခံတဲ့နေ့ နှစ် (၈၀) ပြည့်အတွက် နောက်ထပ် စစ်ရေးပြ အခမ်းအနားတစ်ခုကျင်းပပြီး အင်အားကြီး လက်နက်တွေကို ထုတ်ပြလာတဲ့အခါ PLA တပ် ဘယ်လောက် အထိ တိုးတက်လာပြီလဲဆိုတာကို ကမ္ဘာက သိနိုင်မှာဖြစ်ပါတယ်။
ပေကျင်းမြို့လမ်းမတွေပေါ်မှာ အကာအရံ တွေဖုံးအုပ်ပြီးသွားလာနေတဲ့ယာဉ်တန်းတွေဟာ အပြည့်စုံဆုံး စစ်ရေးပြအခမ်းအနားအတွက် ပြင်ဆင်နေ ကြတာဖြစ်ပါတယ်။ ဒီလိုဖုံးအုပ်ထားပေမယ့် သူတို့ရဲ့ ပုံသဏ္ဌာန်တွေကတော့ ပဲ့ထိန်းဒုံးကျည်တွေ၊ တင့်ကားတွေနဲ့ ရေအောက်ယာဉ်တွေဖြစ်တယ်ဆိုတာကတော့ မှားနိုင်စရာမရှိလောက်အောင် ထင်ရှားနေပါတယ်။ စစ်ဘက်ဆိုင်ရာစောင့်ကြည့်သူတွေအတွက်တော့ အမိုးအကာဖုံးအုပ်ထားတဲ့ လက်နက်တွေရဲ့ စစ်ချီ လှည့်လည်မှုဟာ စက်တင်ဘာလ (၃)ရက်မှာကျင်းပမယ့် ကြီးမားတဲ့ စစ်ရေးပြအခမ်းအနားမှာ ဘာတွေပြသသွားမလဲ ဆိုတာနဲ့ပတ်သက်တဲ့ အဖိုးတန်သဲလွန်စတွေကိုပေးနေပါတယ်။ အဲဒီ အခမ်းအနားမှာ PLA ရဲ့ ပြည်တွင်းဖြစ်၊ လက်ရှိ တာဝန်ထမ်း ဆောင်နေတဲ့ လက်နက်ပစ္စည်းတွေရဲ့ ‘မျိုးဆက်သစ်’ကို ဖော်ထုတ်ပြသသွားမယ်လို့ တရုတ်က ပြောကြား ထားပါတယ်။ ဒီအခမ်းအနားဟာ (၂၀၁၉) ခုနှစ် အမျိုးသားနေ့ စစ်ရေးပြအခမ်းအနားပြီးကတည်းက တရုတ်နိုင်ငံရဲ့ စစ်လက်နက်ပစ္စည်းတွေမှာ တိုးတက် မှုတွေကို အကြီးဆုံးပြသသွားတာဖြစ်ပါလိမ့်မယ်။
ဒီနှစ် စစ်ရေးပြအခမ်းအနားကတော့ တရုတ်သမိုင်းမှာ အထင်ကရဖြစ်တဲ့ (၁၉၃၁)ခုနှစ် မှာ တရုတ်ကို ကျူး ကျော်ဝင်ရောက်ခဲ့တဲ့ ဂျပန်အင်ပါ ယာရဲ့ လက်နက်ချအပြီး ဒုတိယကမ္ဘာစစ် ပြီးဆုံးခဲ့တဲ့ နှစ် (၈၀) ပြည့်အထိမ်းအမှတ်ကို ဂုဏ်ပြုသွားမှာဖြစ်ပါတယ်။ (၂၀၁၉) ခုနှစ် စစ်ရေးပြအခမ်းအနားမှာတော့ PLA ဟာ လမ်းပေါ်ကနေပစ်လွှတ်နိုင်တဲ့ တိုက်ချင်း ပစ်ပဲ့ထိန်းဒုံးကျည်၊ ဟိုက်ပါဆိုနစ်လေယာဉ်၊ တာလတ်ပစ်ပဲ့ထိန်းဒုံးကျည်နဲ့ ပထမဆုံးသောရေ အောက် မောင်းသူမဲ့ ယာဉ်တွေအပါအဝင် အခြားသော လက်နက်တွေကို ထုတ်ဖော်ပြသခဲ့ပါတယ်။‌
ဩဂုတ်လ (၂၀)ရက်မှာတော့ တရုတ်အရာရှိတွေဟာ စက်တင်ဘာလ (၃)ရက်မှာ PLA က ဘာတွေ ပြသသွား မယ်ဆိုတာကို အမျိုးအစားအလိုက်အချက်အလက်အချို့ဖော်ပြခဲ့ပါတယ်။ ‘ဒီစစ် ရေးပြအခမ်းအနားမှာ စစ်သည် (၁၀,ဝဝဝ)ကျော်၊ လေယာဉ်တစ်ရာကျော်နဲ့ စစ်မြေပြင်သုံးယာဉ် ရာ ပေါင်းများစွာပါဝင်ပါတယ်’ လို့ PLA ရဲ့ အလယ်ပိုင်း ဒေသကွပ်ကဲမှုဌာနမှ စစ်ရေးပြကွပ်ကဲရေးရုံးရဲ့ အမှုဆောင်ဒုတိယòန်ကြားရေးမှူး ဗိုလ်ချုပ် Xu Guiz­hong က ပေကျင်း မှာပြုလုပ်တဲ့ သတင်းစာရှင်းလင်း ပွဲတစ်ခုမှာပြောပါတယ်။ ‘ကွဲပြားခြားနားတဲ့ စစ်လက်နက်ပစ္စည်းအမျိုးအစား (၁၀ဝ) ကျော်ပါဝင်မှာဖြစ်ပြီး အားလုံးဟာ တိုက်ပွဲဝင်အသင့်ရှိတဲ့ ပြည်တွင်းဖြစ်တွေ ဖြစ်တယ်’လို့ Xu ကပြောပါတယ်။ ဒါ့ပြင် အများစုဟာ ပထမဆုံးအကြိမ်ပွဲထုတ်ပြသမယ့် လက်နက်အသစ် တွေဖြစ်တယ်လို့လည်း သူက ထပ်လောင်းပြော ပါတယ်။
“ဒရုန်းပြကွက်တွေ ပြသမလား၊ ဒါမှမဟုတ် တပ်ဖွဲ့အသီးသီးက ဘယ်လိုပုံစံအစီအစဉ် တွေနဲ့ စစ်ချီလာမလဲ ဆိုတာကို ကျွန်မမြင်ချင်တယ်။ ကျွန်မတို့နိုင်ငံရဲ့ စစ်ရေးအင်အားကို အတော်လေး စိတ်ဝင်စားပါတယ်”လို့ ပေကျင်းကို လာရောက်လည်ပတ်တဲ့ ယူနန်ပြည်နယ်မှ ခရီးသွားတစ်ဦးဖြစ်သူ Liu Hongmei ကပြောပါတယ်။ Weibo ပလက်ဖောင်း မှာရေးသားထားတဲ့ မှတ်ချက်တွေကတော့ လာမယ့် စစ်ရေးပြအခမ်းအနားအပေါ် အားပေးထောက်ခံမှု တွေအများအပြား ရှိနေတာကိုပြသနေပြီး တီဗီကနေ ကြည့်ရှုနိုင်ဖို့အတွက် အမျိုးသားရုံးပိတ်ရက်တစ်ရက် သတ်မှတ်ပေးဖို့ တောင်းဆိုထား ကြပါတယ်။
တရုတ်ခေါင်းဆောင် ရှီကျင့်ဖျင်လက်ထက်မှာ ပေကျင်းက စစ်ရေးအင်အားတိုးချဲ့မှုကို ဦးစားပေး လုပ်ဆောင်ခဲ့ ပါတယ်။ ဒီလိုလုပ်ဆောင်ခဲ့တဲ့အတွက် အရင်က အာရှမှာတောင် အင်အားအကြီးဆုံး စာရင်းထဲမပါခဲ့တဲ့ PLA ဟာ အခုဆိုရင် သုတေသီတွေရဲ့ ခန့်မှန်းချက်တွေအရ အမေရိကန်စစ်တပ်နဲ့ ယှဉ်ပြိုင်နိုင်တဲ့အဆင့် ဒါမှမဟုတ် တချို့အမျိုး အစားတွေမှာဆိုရင် ကျော်တက်နိုင်တဲ့အဆင့်ကိုတောင် ရောက်ရှိ လာပြီလို့သုံးသပ်ကြပါတယ်။ လေကြောင်းစွမ်းရည် မှာတော့ တရုတ်နိုင်ငံဟာ (၂၀၂၄) ခုနှစ် ဒီဇင်ဘာလ ကစလို့ မျိုးဆက်သစ်တိုက်လေယာဉ်တွေဖြစ်တဲ့ J-36 နဲ့ J-50 တွေကို စတင်စမ်းသပ်နေပါတယ်။ ပေကျင်းက ဒီအကြောင်းအရာနဲ့ပတ်သက်လို့ တရားဝင်ထုတ်ဖော်ပြောကြားတာမျိုး မရှိသေးပေမယ့် ဒီလေယာဉ်တွေဟာ ပုံရိပ်ဖျောက်ခြင်း၊ အရှိန်နဲ့ လိုက် လျောညီထွေမှုတွေမှာ အတော်လေး တိုးတက်လာ တယ်ဆိုတာကို ဖော်ပြနေပါတယ်။ (၂၀၂၄) ခုနှစ်က စပြီး တရုတ်ဟာ အမေရိကန်ပြီးရင် ကိုယ်ပျောက် တိုက်လေယာဉ် အမျိုးအစား နှစ်မျိုးပိုင်တဲ့ တစ်ခု တည်းသော နိုင်ငံဖြစ်လာပါတယ်။ ဒါ့ပြင် တရုတ်ဟာ ကမ္ဘာလုံးဆိုင်ရာ ဟိုက်ပါစောနစ် ဒုံးကျည် နည်းပညာမှာ ရှေ့ကနေ ဦးဆောင်နေတဲ့နိုင်ငံအဖြစ် သတ်မှတ် ခံထားရပါတယ်။ မြန်နှုန်းမြင့်ပြီး ခန့်မှန်းရ ခက်တဲ့ပုံစံမျိုး လှုပ်ရှားနိုင်တဲ့ ဒီစနစ်တွေဟာ လက်ရှိကာကွယ် ရေးကွန်ရက်တွေကို ပြင်းထန်တဲ့ စိန်ခေါ်မှုတွေ ဖြစ် စေပါတယ်။ ပေကျင်းက လက်ရှိအချိန်မှာ သမားရိုးကျနဲ့ နျူကလီးယားလက်နက် တပ်ဆင်ထားတဲ့ ဟိုက် ပါစောနစ် နည်းပညာနှစ်ခုလုံးမှာ ရင်းနှီးမြှုပ်နှံနေပါတယ်။
တရုတ်ရဲ့ မောင်းသူမဲ့စနစ်တွေဟာလည်း လျင်မြန်စွာပဲ ရှေ့တန်းကို ရောက်ရှိလာပါတယ်။ တရုတ် ဗျူဟာ ပညာရှင်တွေဟာ ဒရုန်းတွေနဲ့ စက်ရုပ် စနစ်တွေကို အနာဂတ်မှာဖြစ်လာနိုင်တဲ့ ပဋိပက္ခ တွေအတွက် အဆုံးအဖြတ် ပေးနိုင်တဲ့ အစိတ်အပိုင်း တွေအဖြစ် မြင်နေကြပါတယ်။ မကြာသေးမီက တိုးတက်မှုတွေထဲမှာ မေပယ်စေ့ပုံစံယူထားတဲ့ အုံ လိုက်ကျင်းလိုက် ဒရုန်းတွေ၊ ထောက်လှမ်းရေးနဲ့ လျှို့ဝှက်စစ်ဆင်ရေးတွေအတွက် ခြင်အရွယ်အစား ရှိတဲ့စက်ရုပ်တွေ နဲ့ ကာကွယ်ရေးတွေကို ချေမှုန်းဖို့ ဒရုန်း (၁၀ဝ) အထိ တစ်ပြိုင်နက်တည်း ပစ်လွှတ်နိုင်တဲ့ ‘Nine Heavens’လို့အမည်ရတဲ့ ဒရုန်းတင် သယ်ယာဉ်တို့ ပါဝင်ပါတယ်။ (၂၀၂၅) ခုနှစ် ဩဂုတ်လမှာ တရုတ်ဟာ သာမန်စစ်သင်္ဘောတွေကိုလေ ယာဉ်တင်သင်္ဘောတွေအဖြစ်ပြောင်းလဲဖို့ ရည်ရွယ်ပြီး ဂျက်အင်ဂျင်နဲ့မောင်းနှင်တဲ့ ကမ္ဘာ့ပထမဆုံး မြန်နှုန်းမြင့် ဒေါင် လိုက်တက်နိုင်ဆင်းနိုင်တဲ့ဒရုန်းကို ထုတ်ဖော်ပြသခဲ့ပါတယ်။ ဇူလိုင်လကပြသခဲ့တဲ့ စစ် ရေးလေ့ကျင့်မှုတွေမှာ ပူးပေါင်း စစ်ဆင်ရေးတွေအတွက် လေကြောင်းဒရုန်းတွေနဲ့တွဲဖက်ထားတဲ့ ခြေလေးချောင်းစက်ရုပ်တွေကို အသုံးပြုသရုပ်ပြခဲ့ပါ တယ်။
ဒါ့ပြင် ရေတပ်အင်အားကလည်း တရုတ်အတွက် မဟာဗျူဟာမြောက် ဦးစားပေးကိစ္စတစ်ခု အဖြစ်ရှိနေပါတယ်။ တရုတ်နိုင်ငံဟာ လက်ရှိမှာ Lia­oning နဲ့ Shandong ဆိုတဲ့ လေယာဉ်တင် သင်္ဘောစစ်ရေ ယာဉ်နှစ်စင်းကိုပိုင် ဆိုင်ထား ပြီး မကြာခင်မှာ ပြည်တွင်းဖြစ်ဒီဇိုင်းထုတ်ထားတဲ့ Fujian နဲ့ ပူးပေါင်းလာမှာဖြစ်ပါတယ်။ Fujian ဟာ လက်ရှိအချိန်မှာ ပင်လယ်ပြင်စမ်းသပ်မှုတွေလုပ်ဆောင်နေပြီး (၂၀၂၅) ခုနှစ်နှောင်းပိုင်းမှာ စတင်အသုံးပြုနိုင်မယ်လို့ မျှော်လင့်ရပါတယ်။ တရုတ်ရဲ့ ပထမဆုံး နျူကလီး ယားစွမ်းအင်သုံး စစ်ရေယာဉ်ဖြစ်မယ့် Type 004 ကိုလည်း စတင်တည်ဆောက် နေပါပြီ။ အမေရိကန်က နျူကလီးယားစွမ်းအင်သုံး စစ်ရေယာဉ် (၁၁)စင်းနဲ့ သိသိသာသာဦးဆောင်နေသေးပေမယ့် တရုတ်ဟာ အဲဒီကွာဟမှုကို ကျဉ်းမြောင်းအောင် လုပ်ဆောင်နေပါတယ်။ လေယာဉ်တင်သင်္ဘောတွေအပြင် (၂၀၂၃) ခုနှစ်မှာရေချခဲ့ ပြီး (၂၀၂၅) ခုနှစ်မှာ တာဝန်ထမ်း ဆောင်မယ့် Type 054B ဖရီးဂိတ်စစ်သင်္ဘောတွေ ဖြစ်တဲ့ Luohe နဲ့ Qinzhou တို့အပြင် (၂၀၂၄) ခုနှစ်နှောင်းပိုင်းမှာရေချခဲ့တဲ့ Luohe ဝ၇၆ ကုန်းရေနှစ် သွယ်သွား တိုက်ခိုက်ရေးသင်္ဘောအသစ်တွေလည်း ပါဝင်လာပါတယ်။ အနောက်တိုင်းသုတေသီတွေက “အိပ်မက်ဆိုး” လို့တင်စားထားတဲ့ Type 096 နျူက လီးယားရေငုပ် သင်္ဘောကိုလည်း ဆက်လက်ဖွံ့ဖြိုးတိုး တက်အောင်လုပ်ဆောင်နေပါတယ်။
မကြာသေးမီကလည်း သင်္ဘောနဲ့လေ ယာဉ်ကြားက ပုံစံရှိပြီး ရေဒါထောက်လှမ်းမှုကို ရှောင် ရှားနိုင်တဲ့ ‘Bohai Sea Monster’ လို့ခေါ်တဲ့ မြေပြင်အနီးပျံသန်းနိုင်တဲ့ယာဉ်တစ်မျိုးကို ထုတ်ဖော်ပြသခဲ့ပါတယ်။ သူဟာ သမားရိုးကျရေ ယာဉ်တွေထက် ပိုမိုမြန်ဆန်စွာ ခရီးသွားနိုင်ပါတယ်။ ဒီအောင်မြင်မှု တွေရှိနေပေမယ့် ပေကျင်းမှာ ကမ္ဘာလုံးဆိုင်ရာ ထောက်ပံ့ပို့ဆောင်ရေးကွန်ရက်နဲ့ အဆင့်မြင့် နျူကလီးယားရေငုပ်သင်္ဘောနည်းပညာတွေ မရှိသေးတာကြောင့် သူတို့ရဲ့ ရေတပ်အင်အားဟာ ဒေသတွင်းအ တွက်ပဲ အာရုံစိုက်နေသေးတယ်ဆိုတာကို ပေါ်လွင်စေပါတယ်။
တရုတ်ရဲ့ နျူကလီးယားလက်နက်ပမာဏ ဟာလည်း တိုးချဲ့နေပါတယ်။ ခန့်မှန်းခြေအားဖြင့် နှစ်စဉ် နျူကလီး ယားထိပ်ဖူး (၁၀ဝ)ခန့်တိုးပွားနေ တယ်လို့ခန့်မှန်းထားပါတယ်။ (၂၀၃၀)ပြည့်နှစ်မှာ ထိပ်ဖူး (၁,ဝဝဝ)ကျော်အထိရှိ လာနိုင်ပြီး အများစုဟာ အမေရိကန်ပြည်မကြီးကို တိုက်ခိုက်နိုင်စွမ်းရှိပါတယ်။ ဒါပေမဲ့ တရုတ်နိုင်ငံဟာ စတင်အသုံးမပြု ရေးမူကို ထိန်းသိမ်းထားပြီး နျူကလီးယားလက်နက် မပိုင်ဆိုင်တဲ့နိုင်ငံတွေ ဒါမှမဟုတ် နျူကလီးယား လက်နက် ကင်းမဲ့ ဇုန်တွေကို နျူကလီးယားလက်နက်နဲ့ ဘယ်တော့မှ တိုက်ခိုက်မှာမဟုတ်ဘူး၊ ခြိမ်းခြောက်မှာ မဟုတ်ဘူးလို့ ကတိပြု ထားပါတယ်။ ရေရှည်မှာတော့ ပေကျင်းဟာ နျူကလီးယားလက်နက်တွေကို လုံးဝပိတ်ပင်ဖို့နဲ့ နောက်ဆုံးမှာ ဖျက်သိမ်း ပစ်ဖို့ ဆက်လက် ထောက်ခံနေပြီး ဒါဟာ ဝါရှင်တန်နဲ့မော်စကိုတို့ရဲ့ တရားဝင်ရပ်တည်ချက်တွေနဲ့ ကွဲပြားတဲ့ ရပ်တည် ချက်တစ်ခုလည်း ဖြစ်ပါတယ်။
ဒီလိုတိုးတက်မှုတွေအားလုံးကို စုပေါင်း ကြည့်လိုက်တဲ့အခါ PLA ရဲ့ အသွင်ကူးပြောင်းမှုဟာ သိသိသာသာကို တိုးတက်ဖြစ်ပေါ်နေတယ်ဆိုတာ ပြသနေပါတယ်။ ဒါပေမဲ့ တစ်ချိန်တည်းမှာပဲ အမြင်နဲ့ လက်တွေ့ကြားက ကွာဟ ချက်ကိုလည်း ပေါ်လွင်စေပါတယ်။ တရုတ်ရဲ့ စစ်အင်အားခေတ်မီရေးဟာ မငြင်းနိုင်လောက်အောင် အရှိန်မြင့်လာခဲ့ ပေမယ့် ဒါဟာ နယ်မြေချဲ့ထွင်လိုတဲ့ ရည်မှန်းချက်တွေကြောင့် မဟုတ်ဘဲ အချုပ်အခြာအာဏာကိုကာကွယ်ဖို့၊ ပြင်ပ ခြိမ်းခြောက်မှုတွေကိုတားဆီးဖို့နဲ့ ကမ္ဘာ့စီးပွားရေးအ ဆင့်အတန်းနဲ့ကိုက်ညီတဲ့ ကာကွယ်ရေးစွမ်းရည်တွေ ရှိလာဖို့ အတွက် ဖြစ်တယ်လို့ ဆိုပါတယ်။ အနာဂတ်မှာ PLA ဟာ နည်းပညာပိုင်း ပိုမိုအဆင့်မြင့်လာမယ်၊ နယ်ပယ်ပေါင်းစုံမှာ ပိုမိုပေါင်းစည်းလာမယ်၊ ကွန်မြူ နစ်ပါတီရဲ့ နိုင်ငံရေးခေါင်းဆောင်မှုနဲ့လည်း ပိုမိုခိုင် မာစွာချိတ်ဆက်လာပါလိမ့်မယ်။ ဒါပေမဲ့ သူ့ရဲ့ အဓိ ကအခန်းကဏ္ဍကတော့ နိုင်ငံတော်ကာကွယ်ရေးအ တွက်ပဲ ဆက်ရှိနေဦးမှာဖြစ်ပါတယ်။
ကိုးကား
- https://edition.cnn.com/2025/08/ 20/china/china-military-parade-new-weapons-
intl-hnk-ml
- https://www.scmp.com/news/china/military/article/3322788/chinas-military-has-made-
dramatic-about-turn-world-watching
- https://www.rt.com/news/623183-china-military-arsenal-growing

Zawgyi Version:
ႏွစ္ (၈၀) ျပည့္ ေအာင္ပြဲေန႔မွာ ေတြ႕ရႏိုင္တဲ့ တ႐ုတ္ရဲ႕ ေခတ္မီတိုးတက္လာတဲ့ စစ္အင္အား
တင္ဇာ (NP News) - ၾသဂုတ္ ၃ဝ
တ႐ုတ္ႏိုင္ငံဟာ သူရဲ႕စစ္တပ္ကို ေခတ္မီတဲ့တိုက္ခိုက္ေရးတပ္ဖြဲ႕တစ္ခုျဖစ္လာဖို႔ ရည္မွန္းခ်က္ တစ္ခုနဲ႔ ေဆာင္႐ြက္ေနပါတယ္။ ဆယ္စုႏွစ္တစ္ခု ေလာက္အၾကာက တ႐ုတ္ႏိုင္ငံဟာ ဒုတိယကမာၻစစ္မွာ ဂ်ပန္ကို ေအာင္ပြဲခံခဲ့ တဲ့ ႏွစ္ (၇၀)ျပည့္အထိမ္း အမွတ္အေနနဲ႔ စစ္ေရးျပအခမ္းအနားတစ္ခု က်င္းပခဲ့ပါတယ္။ အဲဒီအခ်ိန္တုန္းက တ႐ုတ္ျပည္ သူ႔လြတ္ ေျမာက္ေရးတပ္ေတာ္ (PLA) ဟာ အိႏၵိယ ပစိဖိတ္ေဒသမွာရွိတဲ့ အေမရိကန္စစ္တပ္ကို ယွဥ္ႏိုင္စြမ္းမ ရွိဘူးလို႔ ယူဆခဲ့ၾကပါတယ္။ ဒါေပမဲ့ ရည္မွန္းခ်က္ႀကီးတဲ့ ေခတ္မီေရးႀကိဳးပမ္းမႈေတြ ဆက္တိုက္လုပ္ေဆာင္ လာတာနဲ႔အမွ် အဲဒီ အေနအထားဟာ ေျပာင္းလဲလာပါတယ္။ တ႐ုတ္ႏိုင္ငံဟာ PLA အတြက္ က်ယ္ျပန႔္ တဲ့ရည္မွန္းခ်က္သုံးခုကို ခ်မွတ္ထား ပါတယ္။ ပထမ တစ္ခုက (၂၀၂၇) ခုႏွစ္မွာ သတင္းအခ်က္အလက္ စစ္ဆင္ေရး၊ စစ္ေရးဆိုင္ရာစက္မႈလုပ္ငန္းနဲ႔ မဟာဗ်ဴ ဟာေျမာက္စီမံကိန္းခ်မွတ္မႈေတြမွာ သိသာထင္ရွားတဲ့တိုးတက္မႈရရွိဖို႔ျဖစ္ပါတယ္။ ေနာက္တစ္ခုက (၂၀၃၅) ခုႏွစ္မွာ ေခတ္မီေရးကို အေျခခံအားျဖင့္ ၿပီးေျမာက္ေအာင္ ေဆာင္႐ြက္ဖို႔ျဖစ္ၿပီး ေနာက္ဆုံး တစ္ခုကေတာ့ ကြန္ျမဴနစ္ပါတီ အာဏာရလာၿပီး ေနာက္ ႏွစ္ (၁၀ဝ) ျပည့္တဲ့ (၂၀၄၉) ခုႏွစ္မွာ PLA ကို ကမာၻ႔အဆင့္မီျဖစ္ေအာင္လုပ္ေဆာင္ဖို႔ျဖစ္ပါ တယ္။ အေစာပိုင္းမွာေတာ့ ဒီရည္မွန္းခ်က္ေတြဟာ ဝိုးတဝါးျဖစ္ေနေပမယ့္ (၂၀၁၇) ခုႏွစ္မွာ သမၼတ ရွီက်င့္ဖ်င္ခ် မွတ္ခဲ့တဲ့ အဆုံးစြန္ (၂၀၄၉) ပန္းတိုင္အရ တ႐ုတ္ႏိုင္ငံဟာ အေမရိကန္နဲ႔ ရင္ေပါင္တန္းႏိုင္ ဖို႔ျဖစ္တယ္ဆိုတာကိုေတာ့ အမ်ားစုက နားလည္ထား ၾကပါတယ္။ လာမယ့္ စက္တင္ဘာလမွာ ေပက်င္းက ေအာင္ပြဲခံတဲ့ေန႔ ႏွစ္ (၈၀) ျပည့္အတြက္ ေနာက္ထပ္ စစ္ေရးျပ အခမ္းအနားတစ္ခုက်င္းပၿပီး အင္အားႀကီး လက္နက္ေတြကို ထုတ္ျပလာတဲ့အခါ PLA တပ္ ဘယ္ေလာက္ အထိ တိုးတက္လာၿပီလဲဆိုတာကို ကမာၻက သိႏိုင္မွာျဖစ္ပါတယ္။
ေပက်င္းၿမိဳ႕လမ္းမေတြေပၚမွာ အကာအရံ ေတြဖုံးအုပ္ၿပီးသြားလာေနတဲ့ယာဥ္တန္းေတြဟာ အျပည့္စုံဆုံး စစ္ေရးျပအခမ္းအနားအတြက္ ျပင္ဆင္ေန ၾကတာျဖစ္ပါတယ္။ ဒီလိုဖုံးအုပ္ထားေပမယ့္ သူတို႔ရဲ႕ ပုံသဏၭာန္ေတြကေတာ့ ပဲ့ထိန္းဒုံးက်ည္ေတြ၊ တင့္ကားေတြနဲ႔ ေရေအာက္ယာဥ္ေတြျဖစ္တယ္ဆိုတာကေတာ့ မွားႏိုင္စရာမရွိေလာက္ေအာင္ ထင္ရွားေနပါတယ္။ စစ္ဘက္ဆိုင္ရာေစာင့္ၾကည့္သူေတြအတြက္ေတာ့ အမိုးအကာဖုံးအုပ္ထားတဲ့ လက္နက္ေတြရဲ႕ စစ္ခ်ီ လွည့္လည္မႈဟာ စက္တင္ဘာလ (၃)ရက္မွာက်င္းပမယ့္ ႀကီးမားတဲ့ စစ္ေရးျပအခမ္းအနားမွာ ဘာေတြျပသသြားမလဲ ဆိုတာနဲ႔ပတ္သက္တဲ့ အဖိုးတန္သဲလြန္စေတြကိုေပးေနပါတယ္။ အဲဒီ အခမ္းအနားမွာ PLA ရဲ႕ ျပည္တြင္းျဖစ္၊ လက္ရွိ တာဝန္ထမ္း ေဆာင္ေနတဲ့ လက္နက္ပစၥည္းေတြရဲ႕ ‘မ်ိဳးဆက္သစ္’ကို ေဖာ္ထုတ္ျပသသြားမယ္လို႔ တ႐ုတ္က ေျပာၾကား ထားပါတယ္။ ဒီအခမ္းအနားဟာ (၂၀၁၉) ခုႏွစ္ အမ်ိဳးသားေန႔ စစ္ေရးျပအခမ္းအနားၿပီးကတည္းက တ႐ုတ္ႏိုင္ငံရဲ႕ စစ္လက္နက္ပစၥည္းေတြမွာ တိုးတက္ မႈေတြကို အႀကီးဆုံးျပသသြားတာျဖစ္ပါလိမ့္မယ္။
ဒီႏွစ္ စစ္ေရးျပအခမ္းအနားကေတာ့ တ႐ုတ္သမိုင္းမွာ အထင္ကရျဖစ္တဲ့ (၁၉၃၁)ခုႏွစ္ မွာ တ႐ုတ္ကို က်ဴး ေက်ာ္ဝင္ေရာက္ခဲ့တဲ့ ဂ်ပန္အင္ပါ ယာရဲ႕ လက္နက္ခ်အၿပီး ဒုတိယကမာၻစစ္ ၿပီးဆုံးခဲ့တဲ့ ႏွစ္ (၈၀) ျပည့္အထိမ္းအမွတ္ကို ဂုဏ္ျပဳသြားမွာျဖစ္ပါတယ္။ (၂၀၁၉) ခုႏွစ္ စစ္ေရးျပအခမ္းအနားမွာေတာ့ PLA ဟာ လမ္းေပၚကေနပစ္လႊတ္ႏိုင္တဲ့ တိုက္ခ်င္း ပစ္ပဲ့ထိန္းဒုံးက်ည္၊ ဟိုက္ပါဆိုနစ္ေလယာဥ္၊ တာလတ္ပစ္ပဲ့ထိန္းဒုံးက်ည္နဲ႔ ပထမဆုံးေသာေရ ေအာက္ ေမာင္းသူမဲ့ ယာဥ္ေတြအပါအဝင္ အျခားေသာ လက္နက္ေတြကို ထုတ္ေဖာ္ျပသခဲ့ပါတယ္။‌
ဩဂုတ္လ (၂၀)ရက္မွာေတာ့ တ႐ုတ္အရာရွိေတြဟာ စက္တင္ဘာလ (၃)ရက္မွာ PLA က ဘာေတြ ျပသသြား မယ္ဆိုတာကို အမ်ိဳးအစားအလိုက္အခ်က္အလက္အခ်ိဳ႕ေဖာ္ျပခဲ့ပါတယ္။ ‘ဒီစစ္ ေရးျပအခမ္းအနားမွာ စစ္သည္ (၁၀,ဝဝဝ)ေက်ာ္၊ ေလယာဥ္တစ္ရာေက်ာ္နဲ႔ စစ္ေျမျပင္သုံးယာဥ္ ရာ ေပါင္းမ်ားစြာပါဝင္ပါတယ္’ လို႔ PLA ရဲ႕ အလယ္ပိုင္း ေဒသကြပ္ကဲမႈဌာနမွ စစ္ေရးျပကြပ္ကဲေရး႐ုံးရဲ႕ အမႈေဆာင္ဒုတိယòန္ၾကားေရးမႉး ဗိုလ္ခ်ဳပ္ Xu Guiz­hong က ေပက်င္း မွာျပဳလုပ္တဲ့ သတင္းစာရွင္းလင္း ပြဲတစ္ခုမွာေျပာပါတယ္။ ‘ကြဲျပားျခားနားတဲ့ စစ္လက္နက္ပစၥည္းအမ်ိဳးအစား (၁၀ဝ) ေက်ာ္ပါဝင္မွာျဖစ္ၿပီး အားလုံးဟာ တိုက္ပြဲဝင္အသင့္ရွိတဲ့ ျပည္တြင္းျဖစ္ေတြ ျဖစ္တယ္’လို႔ Xu ကေျပာပါတယ္။ ဒါ့ျပင္ အမ်ားစုဟာ ပထမဆုံးအႀကိမ္ပြဲထုတ္ျပသမယ့္ လက္နက္အသစ္ ေတြျဖစ္တယ္လို႔လည္း သူက ထပ္ေလာင္းေျပာ ပါတယ္။
“ဒ႐ုန္းျပကြက္ေတြ ျပသမလား၊ ဒါမွမဟုတ္ တပ္ဖြဲ႕အသီးသီးက ဘယ္လိုပုံစံအစီအစဥ္ ေတြနဲ႔ စစ္ခ်ီလာမလဲ ဆိုတာကို ကြၽန္မျမင္ခ်င္တယ္။ ကြၽန္မတို႔ႏိုင္ငံရဲ႕ စစ္ေရးအင္အားကို အေတာ္ေလး စိတ္ဝင္စားပါတယ္”လို႔ ေပက်င္းကို လာေရာက္လည္ပတ္တဲ့ ယူနန္ျပည္နယ္မွ ခရီးသြားတစ္ဦးျဖစ္သူ Liu Hongmei ကေျပာပါတယ္။ Weibo ပလက္ေဖာင္း မွာေရးသားထားတဲ့ မွတ္ခ်က္ေတြကေတာ့ လာမယ့္ စစ္ေရးျပအခမ္းအနားအေပၚ အားေပးေထာက္ခံမႈ ေတြအမ်ားအျပား ရွိေနတာကိုျပသေနၿပီး တီဗီကေန ၾကည့္ရႈႏိုင္ဖို႔အတြက္ အမ်ိဳးသား႐ုံးပိတ္ရက္တစ္ရက္ သတ္မွတ္ေပးဖို႔ ေတာင္းဆိုထား ၾကပါတယ္။
တ႐ုတ္ေခါင္းေဆာင္ ရွီက်င့္ဖ်င္လက္ထက္မွာ ေပက်င္းက စစ္ေရးအင္အားတိုးခ်ဲ႕မႈကို ဦးစားေပး လုပ္ေဆာင္ခဲ့ ပါတယ္။ ဒီလိုလုပ္ေဆာင္ခဲ့တဲ့အတြက္ အရင္က အာရွမွာေတာင္ အင္အားအႀကီးဆုံး စာရင္းထဲမပါခဲ့တဲ့ PLA ဟာ အခုဆိုရင္ သုေတသီေတြရဲ႕ ခန႔္မွန္းခ်က္ေတြအရ အေမရိကန္စစ္တပ္နဲ႔ ယွဥ္ၿပိဳင္ႏိုင္တဲ့အဆင့္ ဒါမွမဟုတ္ တခ်ိဳ႕အမ်ိဳး အစားေတြမွာဆိုရင္ ေက်ာ္တက္ႏိုင္တဲ့အဆင့္ကိုေတာင္ ေရာက္ရွိ လာၿပီလို႔သုံးသပ္ၾကပါတယ္။ ေလေၾကာင္းစြမ္းရည္ မွာေတာ့ တ႐ုတ္ႏိုင္ငံဟာ (၂၀၂၄) ခုႏွစ္ ဒီဇင္ဘာလ ကစလို႔ မ်ိဳးဆက္သစ္တိုက္ေလယာဥ္ေတြျဖစ္တဲ့ J-36 နဲ႔ J-50 ေတြကို စတင္စမ္းသပ္ေနပါတယ္။ ေပက်င္းက ဒီအေၾကာင္းအရာနဲ႔ပတ္သက္လို႔ တရားဝင္ထုတ္ေဖာ္ေျပာၾကားတာမ်ိဳး မရွိေသးေပမယ့္ ဒီေလယာဥ္ေတြဟာ ပုံရိပ္ေဖ်ာက္ျခင္း၊ အရွိန္နဲ႔ လိုက္ ေလ်ာညီေထြမႈေတြမွာ အေတာ္ေလး တိုးတက္လာ တယ္ဆိုတာကို ေဖာ္ျပေနပါတယ္။ (၂၀၂၄) ခုႏွစ္က စၿပီး တ႐ုတ္ဟာ အေမရိကန္ၿပီးရင္ ကိုယ္ေပ်ာက္ တိုက္ေလယာဥ္ အမ်ိဳးအစား ႏွစ္မ်ိဳးပိုင္တဲ့ တစ္ခု တည္းေသာ ႏိုင္ငံျဖစ္လာပါတယ္။ ဒါ့ျပင္ တ႐ုတ္ဟာ ကမာၻလုံးဆိုင္ရာ ဟိုက္ပါေစာနစ္ ဒုံးက်ည္ နည္းပညာမွာ ေရွ႕ကေန ဦးေဆာင္ေနတဲ့ႏိုင္ငံအျဖစ္ သတ္မွတ္ ခံထားရပါတယ္။ ျမန္ႏႈန္းျမင့္ၿပီး ခန႔္မွန္းရ ခက္တဲ့ပုံစံမ်ိဳး လႈပ္ရွားႏိုင္တဲ့ ဒီစနစ္ေတြဟာ လက္ရွိကာကြယ္ ေရးကြန္ရက္ေတြကို ျပင္းထန္တဲ့ စိန္ေခၚမႈေတြ ျဖစ္ ေစပါတယ္။ ေပက်င္းက လက္ရွိအခ်ိန္မွာ သမား႐ိုးက်နဲ႔ န်ဴကလီးယားလက္နက္ တပ္ဆင္ထားတဲ့ ဟိုက္ ပါေစာနစ္ နည္းပညာႏွစ္ခုလုံးမွာ ရင္းႏွီးျမႇဳပ္ႏွံေနပါတယ္။
တ႐ုတ္ရဲ႕ ေမာင္းသူမဲ့စနစ္ေတြဟာလည္း လ်င္ျမန္စြာပဲ ေရွ႕တန္းကို ေရာက္ရွိလာပါတယ္။ တ႐ုတ္ ဗ်ဴဟာ ပညာရွင္ေတြဟာ ဒ႐ုန္းေတြနဲ႔ စက္႐ုပ္ စနစ္ေတြကို အနာဂတ္မွာျဖစ္လာႏိုင္တဲ့ ပဋိပကၡ ေတြအတြက္ အဆုံးအျဖတ္ ေပးႏိုင္တဲ့ အစိတ္အပိုင္း ေတြအျဖစ္ ျမင္ေနၾကပါတယ္။ မၾကာေသးမီက တိုးတက္မႈေတြထဲမွာ ေမပယ္ေစ့ပုံစံယူထားတဲ့ အုံ လိုက္က်င္းလိုက္ ဒ႐ုန္းေတြ၊ ေထာက္လွမ္းေရးနဲ႔ လွ်ိဳ႕ဝွက္စစ္ဆင္ေရးေတြအတြက္ ျခင္အ႐ြယ္အစား ရွိတဲ့စက္႐ုပ္ေတြ နဲ႔ ကာကြယ္ေရးေတြကို ေခ်မႈန္းဖို႔ ဒ႐ုန္း (၁၀ဝ) အထိ တစ္ၿပိဳင္နက္တည္း ပစ္လႊတ္ႏိုင္တဲ့ ‘Nine Heavens’လို႔အမည္ရတဲ့ ဒ႐ုန္းတင္ သယ္ယာဥ္တို႔ ပါဝင္ပါတယ္။ (၂၀၂၅) ခုႏွစ္ ဩဂုတ္လမွာ တ႐ုတ္ဟာ သာမန္စစ္သေဘၤာေတြကိုေလ ယာဥ္တင္သေဘၤာေတြအျဖစ္ေျပာင္းလဲဖို႔ ရည္႐ြယ္ၿပီး ဂ်က္အင္ဂ်င္နဲ႔ေမာင္းႏွင္တဲ့ ကမာၻ႔ပထမဆုံး ျမန္ႏႈန္းျမင့္ ေဒါင္ လိုက္တက္ႏိုင္ဆင္းႏိုင္တဲ့ဒ႐ုန္းကို ထုတ္ေဖာ္ျပသခဲ့ပါတယ္။ ဇူလိုင္လကျပသခဲ့တဲ့ စစ္ ေရးေလ့က်င့္မႈေတြမွာ ပူးေပါင္း စစ္ဆင္ေရးေတြအတြက္ ေလေၾကာင္းဒ႐ုန္းေတြနဲ႔တြဲဖက္ထားတဲ့ ေျခေလးေခ်ာင္းစက္႐ုပ္ေတြကို အသုံးျပဳသ႐ုပ္ျပခဲ့ပါ တယ္။
ဒါ့ျပင္ ေရတပ္အင္အားကလည္း တ႐ုတ္အတြက္ မဟာဗ်ဴဟာေျမာက္ ဦးစားေပးကိစၥတစ္ခု အျဖစ္ရွိေနပါတယ္။ တ႐ုတ္ႏိုင္ငံဟာ လက္ရွိမွာ Lia­oning နဲ႔ Shandong ဆိုတဲ့ ေလယာဥ္တင္ သေဘၤာစစ္ေရ ယာဥ္ႏွစ္စင္းကိုပိုင္ ဆိုင္ထား ၿပီး မၾကာခင္မွာ ျပည္တြင္းျဖစ္ဒီဇိုင္းထုတ္ထားတဲ့ Fujian နဲ႔ ပူးေပါင္းလာမွာျဖစ္ပါတယ္။ Fujian ဟာ လက္ရွိအခ်ိန္မွာ ပင္လယ္ျပင္စမ္းသပ္မႈေတြလုပ္ေဆာင္ေနၿပီး (၂၀၂၅) ခုႏွစ္ေႏွာင္းပိုင္းမွာ စတင္အသုံးျပဳႏိုင္မယ္လို႔ ေမွ်ာ္လင့္ရပါတယ္။ တ႐ုတ္ရဲ႕ ပထမဆုံး န်ဴကလီး ယားစြမ္းအင္သုံး စစ္ေရယာဥ္ျဖစ္မယ့္ Type 004 ကိုလည္း စတင္တည္ေဆာက္ ေနပါၿပီ။ အေမရိကန္က န်ဴကလီးယားစြမ္းအင္သုံး စစ္ေရယာဥ္ (၁၁)စင္းနဲ႔ သိသိသာသာဦးေဆာင္ေနေသးေပမယ့္ တ႐ုတ္ဟာ အဲဒီကြာဟမႈကို က်ဥ္းေျမာင္းေအာင္ လုပ္ေဆာင္ေနပါတယ္။ ေလယာဥ္တင္သေဘၤာေတြအျပင္ (၂၀၂၃) ခုႏွစ္မွာေရခ်ခဲ့ ၿပီး (၂၀၂၅) ခုႏွစ္မွာ တာဝန္ထမ္း ေဆာင္မယ့္ Type 054B ဖရီးဂိတ္စစ္သေဘၤာေတြ ျဖစ္တဲ့ Luohe နဲ႔ Qinzhou တို႔အျပင္ (၂၀၂၄) ခုႏွစ္ေႏွာင္းပိုင္းမွာေရခ်ခဲ့တဲ့ Luohe ဝ၇၆ ကုန္းေရႏွစ္ သြယ္သြား တိုက္ခိုက္ေရးသေဘၤာအသစ္ေတြလည္း ပါဝင္လာပါတယ္။ အေနာက္တိုင္းသုေတသီေတြက “အိပ္မက္ဆိုး” လို႔တင္စားထားတဲ့ Type 096 န်ဴက လီးယားေရငုပ္ သေဘၤာကိုလည္း ဆက္လက္ဖြံ႕ၿဖိဳးတိုး တက္ေအာင္လုပ္ေဆာင္ေနပါတယ္။
မၾကာေသးမီကလည္း သေဘၤာနဲ႔ေလ ယာဥ္ၾကားက ပုံစံရွိၿပီး ေရဒါေထာက္လွမ္းမႈကို ေရွာင္ ရွားႏိုင္တဲ့ ‘Bohai Sea Monster’ လို႔ေခၚတဲ့ ေျမျပင္အနီးပ်ံသန္းႏိုင္တဲ့ယာဥ္တစ္မ်ိဳးကို ထုတ္ေဖာ္ျပသခဲ့ပါတယ္။ သူဟာ သမား႐ိုးက်ေရ ယာဥ္ေတြထက္ ပိုမိုျမန္ဆန္စြာ ခရီးသြားႏိုင္ပါတယ္။ ဒီေအာင္ျမင္မႈ ေတြရွိေနေပမယ့္ ေပက်င္းမွာ ကမာၻလုံးဆိုင္ရာ ေထာက္ပံ့ပို႔ေဆာင္ေရးကြန္ရက္နဲ႔ အဆင့္ျမင့္ န်ဴကလီးယားေရငုပ္သေဘၤာနည္းပညာေတြ မရွိေသးတာေၾကာင့္ သူတို႔ရဲ႕ ေရတပ္အင္အားဟာ ေဒသတြင္းအ တြက္ပဲ အာ႐ုံစိုက္ေနေသးတယ္ဆိုတာကို ေပၚလြင္ေစပါတယ္။
တ႐ုတ္ရဲ႕ န်ဴကလီးယားလက္နက္ပမာဏ ဟာလည္း တိုးခ်ဲ႕ေနပါတယ္။ ခန႔္မွန္းေျခအားျဖင့္ ႏွစ္စဥ္ န်ဴကလီး ယားထိပ္ဖူး (၁၀ဝ)ခန႔္တိုးပြားေန တယ္လို႔ခန႔္မွန္းထားပါတယ္။ (၂၀၃၀)ျပည့္ႏွစ္မွာ ထိပ္ဖူး (၁,ဝဝဝ)ေက်ာ္အထိရွိ လာႏိုင္ၿပီး အမ်ားစုဟာ အေမရိကန္ျပည္မႀကီးကို တိုက္ခိုက္ႏိုင္စြမ္းရွိပါတယ္။ ဒါေပမဲ့ တ႐ုတ္ႏိုင္ငံဟာ စတင္အသုံးမျပဳ ေရးမူကို ထိန္းသိမ္းထားၿပီး န်ဴကလီးယားလက္နက္ မပိုင္ဆိုင္တဲ့ႏိုင္ငံေတြ ဒါမွမဟုတ္ န်ဴကလီးယား လက္နက္ ကင္းမဲ့ ဇုန္ေတြကို န်ဴကလီးယားလက္နက္နဲ႔ ဘယ္ေတာ့မွ တိုက္ခိုက္မွာမဟုတ္ဘူး၊ ၿခိမ္းေျခာက္မွာ မဟုတ္ဘူးလို႔ ကတိျပဳ ထားပါတယ္။ ေရရွည္မွာေတာ့ ေပက်င္းဟာ န်ဴကလီးယားလက္နက္ေတြကို လုံးဝပိတ္ပင္ဖို႔နဲ႔ ေနာက္ဆုံးမွာ ဖ်က္သိမ္း ပစ္ဖို႔ ဆက္လက္ ေထာက္ခံေနၿပီး ဒါဟာ ဝါရွင္တန္နဲ႔ေမာ္စကိုတို႔ရဲ႕ တရားဝင္ရပ္တည္ခ်က္ေတြနဲ႔ ကြဲျပားတဲ့ ရပ္တည္ ခ်က္တစ္ခုလည္း ျဖစ္ပါတယ္။
ဒီလိုတိုးတက္မႈေတြအားလုံးကို စုေပါင္း ၾကည့္လိုက္တဲ့အခါ PLA ရဲ႕ အသြင္ကူးေျပာင္းမႈဟာ သိသိသာသာကို တိုးတက္ျဖစ္ေပၚေနတယ္ဆိုတာ ျပသေနပါတယ္။ ဒါေပမဲ့ တစ္ခ်ိန္တည္းမွာပဲ အျမင္နဲ႔ လက္ေတြ႕ၾကားက ကြာဟ ခ်က္ကိုလည္း ေပၚလြင္ေစပါတယ္။ တ႐ုတ္ရဲ႕ စစ္အင္အားေခတ္မီေရးဟာ မျငင္းႏိုင္ေလာက္ေအာင္ အရွိန္ျမင့္လာခဲ့ ေပမယ့္ ဒါဟာ နယ္ေျမခ်ဲ႕ထြင္လိုတဲ့ ရည္မွန္းခ်က္ေတြေၾကာင့္ မဟုတ္ဘဲ အခ်ဳပ္အျခာအာဏာကိုကာကြယ္ဖို႔၊ ျပင္ပ ၿခိမ္းေျခာက္မႈေတြကိုတားဆီးဖို႔နဲ႔ ကမာၻ႔စီးပြားေရးအ ဆင့္အတန္းနဲ႔ကိုက္ညီတဲ့ ကာကြယ္ေရးစြမ္းရည္ေတြ ရွိလာဖို႔ အတြက္ ျဖစ္တယ္လို႔ ဆိုပါတယ္။ အနာဂတ္မွာ PLA ဟာ နည္းပညာပိုင္း ပိုမိုအဆင့္ျမင့္လာမယ္၊ နယ္ပယ္ေပါင္းစုံမွာ ပိုမိုေပါင္းစည္းလာမယ္၊ ကြန္ျမဴ နစ္ပါတီရဲ႕ ႏိုင္ငံေရးေခါင္းေဆာင္မႈနဲ႔လည္း ပိုမိုခိုင္ မာစြာခ်ိတ္ဆက္လာပါလိမ့္မယ္။ ဒါေပမဲ့ သူ႔ရဲ႕ အဓိ ကအခန္းက႑ကေတာ့ ႏိုင္ငံေတာ္ကာကြယ္ေရးအ တြက္ပဲ ဆက္ရွိေနဦးမွာျဖစ္ပါတယ္။
ကိုးကား
- https://edition.cnn.com/2025/08/ 20/china/china-military-parade-new-weapons-
intl-hnk-ml
- https://www.scmp.com/news/china/military/article/3322788/chinas-military-has-made-
dramatic-about-turn-world-watching
- https://www.rt.com/news/623183-china-military-arsenal-growing