ဆောက်လုပ်မှုကဏ္ဍဖွံ့ဖြိုးတိုးတက်ရေးဥပဒေပြဋ္ဌာန်း
190
Pearl (NP News) -ဖေဖော်ဝါရီ ၅
အမျိုးသားကာကွယ်ရေးနှင့်လုံခြုံရေးကောင်စီသည် ပြည်ထောင်စုသမ္မတမြန်မာနိုင်ငံတော် ဖွဲ့စည်းပုံအခြေခံ ဥပဒေ ပုဒ်မ ၄၂၇ အရ ဆောက်လုပ်မှုကဏ္ဍဖွံ့ဖြိုးတိုးတက်ရေးဥပဒေကို ဖေဖော်ဝါရီ (၄) ရက်နေ့က ပြဋ္ဌာန်းလိုက် သည်။
အဆိုပါ ဥပဒေကို နိုင်ငံတော်၏ ဆောက်လုပ်မှုကဏ္ဍဖွံ့ဖြိုးတိုးတက်စေရေးအတွက် မူဝါဒနှင့်စံချိန်စံညွှန်းများ ကို ချမှတ်၍ တစ်ပြေးညီ ကျင့်သုံးအကောင်အထည်ဖော်နိုင်ရန်နှင့် ကြီးကြပ်စီမံဆောင်ရွက် နိုင်ရန်၊ဆောက်လုပ်မှုကဏ္ဍကို စနစ်ကျန၍ ခေတ်မီစွာ ဖွံ့ဖြိုးတိုးတက်စေရေးအတွက် ခေတ်နှင့်အညီ တိုးတက်လာသည့် တည်ဆောက်ရေးဆိုင်ရာနည်းပညာများအား မိမိနိုင်ငံ ရေမြေသဘာဝနှင့် ကိုက်ညီဆီလျော်အောင် စဉ်ဆက်မပြတ်လေ့လာ သုတေသနပြုအသုံးပြုနိုင်ရန်၊ အများပြည်သူများနှင့် အသုံးပြုသူများအတွက် ကျန်းမာရေးနှင့်ညီညွတ်ပြီး အရည်အသွေး ပြည့်မီကောင်းမွန်၍ ဘေးအန္တရာယ်ကင်းရှင်းလုံခြုံစိတ်ချရသော သဘာဝဘေးဒဏ်ခံ ပတ်ဝန်းကျင်နှင့် လိုက်လျောညီထွေမှုရှိသည့် အခြေခံအဆောက်အဦများ ထွက်ပေါ်လာရန် ရည်ရွယ်၍ ပြဌာန်းခြင်းဖြစ်ကြောင်း သိရသည်။
ထို့ပြင် အခြေခံအဆောက်အဦများ ဆောက်လုပ်ရာတွင် သက်ဆိုင်ရာစည်းမျဉ်း၊ စည်းကမ်းများ၊ စံချိန်စံညွှန်းများနှင့်အညီ ဒီဇိုင်းပုံစံထုတ်ခြင်း၊ တည်ဆောက်ခြင်း၊ ပြုပြင်ခြင်းနှင့် စစ်ဆေးခြင်း များ စနစ်တကျဆောင်ရွက်နိုင်ရန်နှင့် တည်ဆောက်ရေးပစ္စည်းများ သတ်မှတ်စံချိန်စံညွှန်းနှင့် ညီညွတ်စေရန်နှင့် တည်ဆောက်ပြီး အခြေခံအဆောက်အဦများ သက်တမ်းအလိုက် စဉ်ဆက်မပြတ် ကြံ့ခိုင်ရေး အတွက် ပုံမှန်ထိန်းသိမ်းရေး၊ အရေးပေါ်ထိန်းသိမ်းရေးနှင့် လုပ်ငန်းလည်ပတ်ဆောင်ရွက်ရေး တို့ကို စနစ်တကျဆောင်ရွက်နိုင်ရန် ရည်ရွယ်ကြောင်းလည်း သိရသည်။
ဤဥပဒေသည် သစ်၊ ဝါးဖြင့် ဆောက်လုပ်သည့် အဆောက်အအုံများမှအပ မြန်မာနိုင်ငံ ဆောက်လုပ်မှု ကဏ္ဍတွင် ပါဝင်သည့်လုပ်ငန်းများ၊ မြန်မာနိုင်ငံတစ်ဝန်းရှိ တည်ဆောက်ရေးနှင့် သက်ဆိုင်သော အခြေခံ အဆောက်အဦများ ဆောက်လုပ်ခြင်း၊ တိုးချဲ့မွမ်းမံခြင်း၊ ထိန်းသိမ်းပြင်ဆင်ခြင်း၊ ဖျက်သိမ်းခြင်းများနှင့် သက်ဆိုင်ကြောင်းလည်း သိရသည်။
Zawgyi Version:
ေဆာက္လုပ္မႈက႑ဖြံ႕ၿဖိဳးတိုးတက္ေရးဥပေဒျပ႒ာန္း
Pearl (NP News) -ေဖေဖာ္ဝါရီ ၅
အမ်ိဳးသားကာကြယ္ေရးႏွင့္လုံၿခဳံေရးေကာင္စီသည္ ျပည္ေထာင္စုသမၼတျမန္မာႏိုင္ငံေတာ္ ဖြဲ႕စည္းပုံအေျခခံ ဥပေဒ ပုဒ္မ ၄၂၇ အရ ေဆာက္လုပ္မႈက႑ဖြံ႕ၿဖိဳးတိုးတက္ေရးဥပေဒကို ေဖေဖာ္ဝါရီ (၄) ရက္ေန႔က ျပ႒ာန္းလိုက္ သည္။
အဆိုပါ ဥပေဒကို ႏိုင္ငံေတာ္၏ ေဆာက္လုပ္မႈက႑ဖြံ႕ၿဖိဳးတိုးတက္ေစေရးအတြက္ မူဝါဒႏွင့္စံခ်ိန္စံၫႊန္းမ်ား ကို ခ်မွတ္၍ တစ္ေျပးညီ က်င့္သုံးအေကာင္အထည္ေဖာ္ႏိုင္ရန္ႏွင့္ ႀကီးၾကပ္စီမံေဆာင္႐ြက္ ႏိုင္ရန္၊ေဆာက္လုပ္မႈက႑ကို စနစ္က်န၍ ေခတ္မီစြာ ဖြံ႕ၿဖိဳးတိုးတက္ေစေရးအတြက္ ေခတ္ႏွင့္အညီ တိုးတက္လာသည့္ တည္ေဆာက္ေရးဆိုင္ရာနည္းပညာမ်ားအား မိမိႏိုင္ငံ ေရေျမသဘာဝႏွင့္ ကိုက္ညီဆီေလ်ာ္ေအာင္ စဥ္ဆက္မျပတ္ေလ့လာ သုေတသနျပဳအသုံးျပဳႏိုင္ရန္၊ အမ်ားျပည္သူမ်ားႏွင့္ အသုံးျပဳသူမ်ားအတြက္ က်န္းမာေရးႏွင့္ညီၫြတ္ၿပီး အရည္အေသြး ျပည့္မီေကာင္းမြန္၍ ေဘးအႏၲရာယ္ကင္းရွင္းလုံၿခဳံစိတ္ခ်ရေသာ သဘာဝေဘးဒဏ္ခံ ပတ္ဝန္းက်င္ႏွင့္ လိုက္ေလ်ာညီေထြမႈရွိသည့္ အေျခခံအေဆာက္အဦမ်ား ထြက္ေပၚလာရန္ ရည္႐ြယ္၍ ျပဌာန္းျခင္းျဖစ္ေၾကာင္း သိရသည္။
ထို႔ျပင္ အေျခခံအေဆာက္အဦမ်ား ေဆာက္လုပ္ရာတြင္ သက္ဆိုင္ရာစည္းမ်ဥ္း၊ စည္းကမ္းမ်ား၊ စံခ်ိန္စံၫႊန္းမ်ားႏွင့္အညီ ဒီဇိုင္းပုံစံထုတ္ျခင္း၊ တည္ေဆာက္ျခင္း၊ ျပဳျပင္ျခင္းႏွင့္ စစ္ေဆးျခင္း မ်ား စနစ္တက်ေဆာင္႐ြက္ႏိုင္ရန္ႏွင့္ တည္ေဆာက္ေရးပစၥည္းမ်ား သတ္မွတ္စံခ်ိန္စံၫႊန္းႏွင့္ ညီၫြတ္ေစရန္ႏွင့္ တည္ေဆာက္ၿပီး အေျခခံအေဆာက္အဦမ်ား သက္တမ္းအလိုက္ စဥ္ဆက္မျပတ္ ႀကံ့ခိုင္ေရး အတြက္ ပုံမွန္ထိန္းသိမ္းေရး၊ အေရးေပၚထိန္းသိမ္းေရးႏွင့္ လုပ္ငန္းလည္ပတ္ေဆာင္႐ြက္ေရး တို႔ကို စနစ္တက်ေဆာင္႐ြက္ႏိုင္ရန္ ရည္႐ြယ္ေၾကာင္းလည္း သိရသည္။
ဤဥပေဒသည္ သစ္၊ ဝါးျဖင့္ ေဆာက္လုပ္သည့္ အေဆာက္အအုံမ်ားမွအပ ျမန္မာႏိုင္ငံ ေဆာက္လုပ္မႈ က႑တြင္ ပါဝင္သည့္လုပ္ငန္းမ်ား၊ ျမန္မာႏိုင္ငံတစ္ဝန္းရွိ တည္ေဆာက္ေရးႏွင့္ သက္ဆိုင္ေသာ အေျခခံ အေဆာက္အဦမ်ား ေဆာက္လုပ္ျခင္း၊ တိုးခ်ဲ႕မြမ္းမံျခင္း၊ ထိန္းသိမ္းျပင္ဆင္ျခင္း၊ ဖ်က္သိမ္းျခင္းမ်ားႏွင့္ သက္ဆိုင္ေၾကာင္းလည္း သိရသည္။