စက်သုံးဆီဆိုင်များတွင် အရန်ဆီလုံလောက်မှုရှိသဖြင့် ဆီတိုးဝှေ့ဝယ်ယူခြင်းများမလုပ်ရန် စွမ်းအင်ဝန်ကြီးဌာနက လိုက်လံသတိပေးနေ
345
သန့်ဇင်(NP News)-မတ် ၅
စက်သုံးဆီဆိုင်များတွင် အရန်ဆီလုံလောက်မှုရှိသဖြင့် ဆီတိုးဝှေ့ဝယ်ယူခြင်းများမလုပ်ရန် စွမ်းအင်ဝန်ကြီးဌာနက လိုက်လံသတိပေး နေကြောင်း သိရသည်။
လက်ရှိကမ္ဘာ့နိုင်ငံရေးအခြေအနေများအရ အရှေ့အလယ်ပိုင်းဒေသအတွင်း၌ စစ်ရေး ပဋိပက္ခများကြောင့် လောင်စာဆီတင်သွင်းသည့် သင်္ဘောများဖြင့် သယ်ယူပို့ဆောင်ရာ ရေလမ်းကြောင်း တစ်လျှောက်တွင် အတားအဆီး၊ အဟန့်အတားပိတ်ဆို့မှုများ ဖြစ်ပေါ်လျက် ရှိသည့်အတွက် ပြည်တွင်း၌ စက်သုံးဆီ ခြိုးခြံချွေတာသုံးစွဲရေးအတွက် စည်းကမ်းသတ်မှတ်ချက်များကို အမျိုးသားကာကွယ်ရေးနှင့် လုံခြုံရေးကောင်စီက မတ်လ ၃ ရက် ညပိုင်းတွင် ထုတ်ပြန်ခဲ့ကြောင်း သိရသည်။
သို့သော်လည်း လက်ရှိတွင် မြန်မာနိုင်ငံအတွင် သုံးစွဲရန် အရန်စက်သုံးဆီအလုံအလောက်ရှိပြီး ဆီတန်းဆီဆီဝယ်မှုမရှိစေရန်အတွက် စီမံဆောင်ရွက်ထားပြီးဖြစ်ရာ စက်သုံးဆီပြတ်လပ်မည်ကို ပြည်သူများအနေဖြင့် စိုးရိမ်ရန်မလိုကြောင်း စွမ်းအင်ဝန်ကြီးဌာနက စက်သုံးဆီဆိုင်များတွင် ရှောင်တခင်ဝင်ရောက်စစ်ဆေးစဉ် အသိပေးနေကြောင်း သိရသည်။
“လက်ရှိဖြစ်ပွားနေလျက်ရှိသည့်အခြေအနေများအရ မြန်မာနိုင်ငံအတွင်း သုံးစွဲရန် အရန်ဆီလုံလောက်မှုရှိပြီး ဆီတန်းမှုမရှိစေရန်အတွက် စီမံဆောင်ရွက်ထားပြီးဖြစ်ပါသည်။ ပြည်သူများအနေဖြင့် စက်သုံးဆီပြတ်လပ်မည်ကို စိုးရိမ်ရန်မလိုပါကြောင်းနှင့် မလိုအပ်ပဲ တန်းဆီဝယ်ယူခြင်းများသည် စက်သုံးဆီပုံမှန်ထည့်သွင်းနိုင်မှုနှင့် အခြေအနေကိုပိုမိုကျပ်တည်းစေပြီး အချိန်ကြာမြင့်စွာ တန်းဆီဝယ်ယူမှုများပိုမိုဖြစ်ပေါ်စေနိုင်သည့်အပြင် မီးဘေးအန္တရယ်ဖြစ်ပွားနိုင်ပါသဖြင့် လိုအပ်သည့်အချိန်၊ လိုအပ်သည့် ပမာဏကိုသာ ပုံမှန်ဝယ်ယူသုံးစွဲကြပါရန် အသိပေးမေတ္တာရပ်ခံအပ်ပါသည်”ဟု စွမ်အင်ဝန်ကြီးဌာနက ရန်ကုန်မြို့ရှိဆီဆိုင်များတွင် အသိပေးပြောကြားနေသည်။
ထို့ပြင် စက်သုံးဆီအရောင်းဆိုင်များတွင် ဆီလက်ကျန်ရှိပြီး အရာင်းရပ်ထားကြောင်း သိရှိပါက သက်ဆိုင်ရာတိုင်းဒေသကြီး ကြီးကြပ်စစ်ဆေးရေးအရာရှိထံ ဖုန်းဆက်တိုင်ကြားနိုင်ကြောင်းလည်း အသိပေးထားကြောင်း သိရသည်။
“စက်သုံးဆီအရောင်းဆိုင်များတွင် ဆီလက်ကျန်ရှိပြီး အရောင်းရပ်ထားကြောင်း သိရှိပါက တိုင်းဒေသကြီး ကြီးကြပ်စစ်ဆေးရေးအရာ ရှိဖုန်း (၀၉ ၅၃၄၀၃၆၃) သို့ ဆက်သွယ်တိုင်ကြား နိုင်ပါကြောင်းနှင့် အရောင်းဆိုင်လိုင်စင်ပိတ်သိမ်းသည်အထိ ထိရောက်စွာအရေးယူ ဆောင်ရွက် မည်ဖြစ်ပါသည်”ဟု တာဝန်ရှိသူတစ်ဦးက အသိပေးပြောကြားချက်အတွင်း ထည့်သွင်းပြောကြားခဲ့သည်။
ထို့ပြင် ရန်ကုန်မြို့အတွင်း စက်သုံးဆီဆိုင်များတွင်လည်း စွမ်းအင်ဝန်ကြီးဌာနက “စက်သုံးဆီပုံမှန်ရောင်းချပေးနိုင်ပါသည်။ မလိုအပ်ဘဲဝယ်ယူခြင်းမပြုရန်လည်း မေတ္တာရပ်ခံအပ်ပါသည်။ စက်သုံးဆီရောင်းချပေးခြင်း မရှိပါကလည်း အောက်ပါဖုန်းနံပါတ်များသို့ တိုင်ကြားပါကအဆိုပါအရောင်းဆိုင်အား ပိတ်သိမ်းစေပါမည်”ဟူ သောစာတန်းများချိတ်စွဲကာ သက်ဆိုင်ရာမြို့နယ်တာဝန်ရှိသူ ဖုန်းနံပါတ်များကိုလည်း ဖော်ပြေပေးထားကြောင်း သိရသည်။
Zawgyi Version:
စက္သုံးဆီဆိုင္မ်ားတြင္ အရန္ဆီလုံေလာက္မႈရွိသျဖင့္ ဆီတိုးေဝွ႔ဝယ္ယူျခင္းမ်ားမလုပ္ရန္ စြမ္းအင္ဝန္ႀကီးဌာနက လိုက္လံသတိေပးေန
သန႔္ဇင္(NP News)-မတ္ ၅
စက္သုံးဆီဆိုင္မ်ားတြင္ အရန္ဆီလုံေလာက္မႈရွိသျဖင့္ ဆီတိုးေဝွ႔ဝယ္ယူျခင္းမ်ားမလုပ္ရန္ စြမ္းအင္ဝန္ႀကီးဌာနက လိုက္လံသတိေပး ေနေၾကာင္း သိရသည္။
လက္ရွိကမာၻ႔ႏိုင္ငံေရးအေျခအေနမ်ားအရ အေရွ႕အလယ္ပိုင္းေဒသအတြင္း၌ စစ္ေရး ပဋိပကၡမ်ားေၾကာင့္ ေလာင္စာဆီတင္သြင္းသည့္ သေဘၤာမ်ားျဖင့္ သယ္ယူပို႔ေဆာင္ရာ ေရလမ္းေၾကာင္း တစ္ေလွ်ာက္တြင္ အတားအဆီး၊ အဟန႔္အတားပိတ္ဆို႔မႈမ်ား ျဖစ္ေပၚလ်က္ ရွိသည့္အတြက္ ျပည္တြင္း၌ စက္သုံးဆီ ၿခိဳးၿခံေခြၽတာသုံးစြဲေရးအတြက္ စည္းကမ္းသတ္မွတ္ခ်က္မ်ားကို အမ်ိဳးသားကာကြယ္ေရးႏွင့္ လုံၿခဳံေရးေကာင္စီက မတ္လ ၃ ရက္ ညပိုင္းတြင္ ထုတ္ျပန္ခဲ့ေၾကာင္း သိရသည္။
သို႔ေသာ္လည္း လက္ရွိတြင္ ျမန္မာႏိုင္ငံအတြင္ သုံးစြဲရန္ အရန္စက္သုံးဆီအလုံအေလာက္ရွိၿပီး ဆီတန္းဆီဆီဝယ္မႈမရွိေစရန္အတြက္ စီမံေဆာင္႐ြက္ထားၿပီးျဖစ္ရာ စက္သုံးဆီျပတ္လပ္မည္ကို ျပည္သူမ်ားအေနျဖင့္ စိုးရိမ္ရန္မလိုေၾကာင္း စြမ္းအင္ဝန္ႀကီးဌာနက စက္သုံးဆီဆိုင္မ်ားတြင္ ေရွာင္တခင္ဝင္ေရာက္စစ္ေဆးစဥ္ အသိေပးေနေၾကာင္း သိရသည္။
“လက္ရွိျဖစ္ပြားေနလ်က္ရွိသည့္အေျခအေနမ်ားအရ ျမန္မာႏိုင္ငံအတြင္း သုံးစြဲရန္ အရန္ဆီလုံေလာက္မႈရွိၿပီး ဆီတန္းမႈမရွိေစရန္အတြက္ စီမံေဆာင္႐ြက္ထားၿပီးျဖစ္ပါသည္။ ျပည္သူမ်ားအေနျဖင့္ စက္သုံးဆီျပတ္လပ္မည္ကို စိုးရိမ္ရန္မလိုပါေၾကာင္းႏွင့္ မလိုအပ္ပဲ တန္းဆီဝယ္ယူျခင္းမ်ားသည္ စက္သုံးဆီပုံမွန္ထည့္သြင္းႏိုင္မႈႏွင့္ အေျခအေနကိုပိုမိုက်ပ္တည္းေစၿပီး အခ်ိန္ၾကာျမင့္စြာ တန္းဆီဝယ္ယူမႈမ်ားပိုမိုျဖစ္ေပၚေစႏိုင္သည့္အျပင္ မီးေဘးအႏၲရယ္ျဖစ္ပြားႏိုင္ပါသျဖင့္ လိုအပ္သည့္အခ်ိန္၊ လိုအပ္သည့္ ပမာဏကိုသာ ပုံမွန္ဝယ္ယူသုံးစြဲၾကပါရန္ အသိေပးေမတၱာရပ္ခံအပ္ပါသည္”ဟု စြမ္အင္ဝန္ႀကီးဌာနက ရန္ကုန္ၿမိဳ႕ရွိဆီဆိုင္မ်ားတြင္ အသိေပးေျပာၾကားေနသည္။
ထို႔ျပင္ စက္သုံးဆီအေရာင္းဆိုင္မ်ားတြင္ ဆီလက္က်န္ရွိၿပီး အရာင္းရပ္ထားေၾကာင္း သိရွိပါက သက္ဆိုင္ရာတိုင္းေဒသႀကီး ႀကီးၾကပ္စစ္ေဆးေရးအရာရွိထံ ဖုန္းဆက္တိုင္ၾကားႏိုင္ေၾကာင္းလည္း အသိေပးထားေၾကာင္း သိရသည္။
“စက္သုံးဆီအေရာင္းဆိုင္မ်ားတြင္ ဆီလက္က်န္ရွိၿပီး အေရာင္းရပ္ထားေၾကာင္း သိရွိပါက တိုင္းေဒသႀကီး ႀကီးၾကပ္စစ္ေဆးေရးအရာ ရွိဖုန္း (၀၉ ၅၃၄၀၃၆၃) သို႔ ဆက္သြယ္တိုင္ၾကား ႏိုင္ပါေၾကာင္းႏွင့္ အေရာင္းဆိုင္လိုင္စင္ပိတ္သိမ္းသည္အထိ ထိေရာက္စြာအေရးယူ ေဆာင္႐ြက္ မည္ျဖစ္ပါသည္”ဟု တာဝန္ရွိသူတစ္ဦးက အသိေပးေျပာၾကားခ်က္အတြင္း ထည့္သြင္းေျပာၾကားခဲ့သည္။
ထို႔ျပင္ ရန္ကုန္ၿမိဳ႕အတြင္း စက္သုံးဆီဆိုင္မ်ားတြင္လည္း စြမ္းအင္ဝန္ႀကီးဌာနက “စက္သုံးဆီပုံမွန္ေရာင္းခ်ေပးႏိုင္ပါသည္။ မလိုအပ္ဘဲဝယ္ယူျခင္းမျပဳရန္လည္း ေမတၱာရပ္ခံအပ္ပါသည္။ စက္သုံးဆီေရာင္းခ်ေပးျခင္း မရွိပါကလည္း ေအာက္ပါဖုန္းနံပါတ္မ်ားသို႔ တိုင္ၾကားပါကအဆိုပါအေရာင္းဆိုင္အား ပိတ္သိမ္းေစပါမည္”ဟူ ေသာစာတန္းမ်ားခ်ိတ္စြဲကာ သက္ဆိုင္ရာၿမိဳ႕နယ္တာဝန္ရွိသူ ဖုန္းနံပါတ္မ်ားကိုလည္း ေဖာ္ေျပေပးထားေၾကာင္း သိရသည္။